Daha bir iri dövlət şirkəti istiqraz buraxılışına hazırlaşır

Daha bir iri dövlət şirkəti istiqraz buraxılışına hazırlaşır

Daha bir iri dövlət şirkəti istiqraz buraxılışına hazırlaşır

Azərbaycan Respublikası Dövlət Neft Şirkəti (SOCAR), "AzerGold" QSC və "Xəzər Dəniz Gəmiçiliyi" QSC-dən sonra "Azərbaycan Dəmir Yolları" QSC (ADY) də istiqraz buraxılışına hazırlaşır.

Marja.az-ın əldə etdiyi məlumata görə, buraxılışın 2025-ci il ərzində həyata keçirilməsi gözlənilir. Müvafiq tənzimləyici qurum tərəfindən rəsmi təsdiq olmadığı üçün emissiyanın həcmi və digər şərtləri hələ açıqlanmır.

VTB-də minimal faiz dərəcəsi ilə nağd kredit 10.49%-dən

Qeyd edək ki, ADY-nin xarici borcu ölkənin ümumi xarici dövlət borcunun əhəmiyyətli hissəsini təşkil edir. 2025-ci ilin iyulun 1-nə olan rəqəmlərə əsasən, Azərbaycanın xarici dövlət borcu 5 milyard 10,7 milyon ABŞ dolları olub və bunun 748,3 milyon dolları – təxminən 14,9%-i ADY-yə aiddir. Maraqlıdır ki, bu göstərici ötən ilin eyni dövrü ilə müqayisədə 2,6% artıb.

İqtisadçıların fikrincə, ADY-nin istiqraz buraxılışı dəmir yolu sektorunda maliyyə resurslarının diversifikasiyası və infrastruktura investisiyaların artırılması baxımından strateji əhəmiyyət kəsb edir. Buraxılışın həcmi və şərtləri barədə rəsmi açıqlama verildikdə, investorlar üçün daha bir imkan yaranacaq.

Dövlət şirkətlərinin istiqraz buraxılışları - ölkədə kapital bazarlarının inkişafı və dövlət müəssisələrinin maliyyə dayanıqlığının gücləndirilməsi istiqamətlərində faydalıdır.

"Azərbaycan Dəmir Yolları" QSC-nin Mətbuat xidmətindən Marja.az-a bildirildi: "Sorğunuz ilə əlaqədar olaraq bildiririk ki, mümkün ən qısa müddətdə ADY-nin istiqraz buraxılışına hazırlaşdığı barədə iddiaya münasibət bildirəcəyik".

İş elanları AzVak.az-da

istiqraz buraxılışı Azərbaycan Dəmir Yolları ADY xarici borc dövlət borcu maliyyə resursları investisiyalar kapital bazarı dövlət şirkətləri maliyyə dayanıqlığı iqtisadçılar investorlar infrastruktur strategiya emissiya həcmi şərtlər

13.10.2025 12:54