Qızılın qiyməti atəşkəsdən sonra düşür

Qızılın qiyməti atəşkəsdən sonra düşür

Tarixi ən yüksək səviyyələrdən sonra qızıl bazarlarında satış təzyiqi güclənib.

Marja xəbər verir ki, çərşənbə günü bir unsiya qızıl 4059 dollara çataraq ən yüksək səviyyəsini gördükdən sonra, 2%-dən çox ucuzlaşaraq 4000 dollar həddindən aşağı düşüb.

1 unsiya qızılın qiyməti 3958 dollara qədər geriləyib. Bu ucuzlaşmada Qəzzada imzalanan atəşkəs razılaşması və ABŞ dollarının güclənməsi əsas rol oynayıb.

Atəşkəsdən sonra “təhlükəsiz liman”dan çıxış

İsrail və Həmasın ABŞ Prezidenti Donald Trampın vasitəçiliyi ilə Qəzzada atəşkəs razılaşmasına gəlməsi bazarlarda risk iştahını artırıb. Geosiyasi gərginliyin azalması fonunda investorlar “təhlükəsiz liman” hesab etdikləri qızıldan çıxaraq qazancı reallaşdırmağa yönəliblər.

ABŞ dollar indeksi (DXY) 0,5% artaraq son iki ayın zirvəsinə yaxınlaşıb. Dolların möhkəmlənməsi, dollarla qiymətlənən qızılı xarici investorlar üçün daha bahalı edib.

Fed protokollarında isə faiz endirimi prosesinə ehtiyatlı yanaşma diqqət çəkib. Sentyabrda 25 baza bəndlik endirim edən Fed-in oktyabr ayında yeni bir endirimə getmə ehtimalı bazarlarda 95% səviyyəsində qiymətləndirilir.

Gümüşdə tarixi rekord

Qızılın ucuzlaşamasına baxmayaraq, gümüşün qiymətində rekord qeydə alınıb. Güclü investor tələbi və təklif çatışmazlığı səbəbindən gümüşün unsiyasının qiyməti 50 dolları aşaraq tarixində ən yüksək səviyyəsinə çatıb.

Hər gün yeni vakansiyalar - AzVak.az-da

Digər qiymətli metallar

Platin 1,7% ucuzlaşaraq 1 635 dollara, palladium isə 1,2% azalaraq 1 431 dollara düşüb.

Qızılın "rallisi" bitir?

İlin əvvəlindən bəri 52% bahalaşan qızıl, geosiyasi gərginliklər, mərkəzi banklarının alışları, ETF axınları və faiz endirimi gözləntiləri ilə dəstəklənmişdi. Lakin atəşkəsdən sonra risklərin azalması və dolların möhkəmlənməsi "rallinin" tempinin zəiflədiyinə işarə edir.

qızıl qram qızıl dollar DXY atəşkəs İsrail Həmas Qəzza Tramp Fed faiz endirimi gümüş platin palladium rekord ralli satış təzyiqi təhlükəsiz liman geosiyasi gərginlik investorlar bazar qiymətli metallar

10.10.2025 09:15

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az