Nəhəng bankdan qızıl investorlarına xəbərdarlıq: "Rekordlar normal deyil, bu, bir xəbərdarlıq siqnalıdır”

Nəhəng bankdan qızıl investorlarına xəbərdarlıq: "Rekordlar normal deyil, bu, bir xəbərdarlıq siqnalıdır”

Nəhəng bankdan qızıl investorlarına xəbərdarlıq: "Rekordlar normal deyil, bu, bir xəbərdarlıq siqnalıdır”

ABŞ-ın “Goldman Sachs” investisiya bankının vitse-prezidenti Robert Kaplan qızılın hər gün yeni rekordlar qırmasının adi hal olmadığını və bu prosesin müsbət siqnal kimi qiymətləndirilməməli olduğunu bildirib.

Marja xəbər verir ki, Kaplan deyib: “Qızılın 4 min dollar həddini aşaraq yeni rekorda çatması əslində xəbərdarlıq siqnalı olmalıdır. Hazırda təhlükəsiz liman kimi ABŞ istiqrazları yox, qızıl seçilir. Dəyərli metalın ilin əvvəlindən bəri təxminən 50%-lik yüksəlişi diqqətdən kənarda qalmamalıdır”.

VTB-də minimal faiz dərəcəsi ilə nağd kredit 9.9%-dən

Qızıl bazarlarında tarixi yüksəliş davam edir. Qlobal iqtisadi və geosiyasi qeyri-müəyyənliklərin artması fonunda investorlar yenidən “təhlükəsiz liman” olan qızıla üz tuturlar. Çərşənbə günü qızılın unsiyasının qiyməti 4 min dolları keçərək tarixi zirvəsini görüb. ABŞ Federal Ehtiyat Sisteminin (Fed) faiz endirimlərini davam etdirəcəyi gözləntiləri də bu artımı dəstəkləyib. Hazırda qızıl 4 min 45 dollar səviyyələrində ticarət olunur.

Qeyd edək ki, Goldman Sachs daha əvvəl 2026-cı ilin sonuna qədər qızılın qiymətinə dair proqnozunu 4 min 900 dollar səviyyəsində açıqlamışdı.

"Bank of America": Qızılın kəskin bahalaşması dövrü sona çatır

Xəbər verdiyimiz kimi, "Bank of America" (BofA ) qızıl bazarındakı kəskin qiymət artımının sonunun çatdığı barədə xəbərdarlıq edib.

Qurumun məlumatına görə, qiymətinin yüksəliş (bahalaşma) tendensiyasında "yorulma" əlamətləri müşahidə olunur.

BofA qeyd edib ki, qızılda "ralli" (qiymət artımı) artıq "yüksək qızma” siqnalları verir və rekord səviyyələrdən sonra dördüncü rübdə bazarda dayanma və ya korreksiya mərhələsi (qiymətin düşməsi) müşahidə oluna bilər.

qızıl Goldman Sachs Robert Kaplan xəbərdarlıq 4 min dollar rekord səviyyə təhlükəsiz liman ABŞ istiqrazları dəyərli metal qiymət artımı qlobal iqtisadiyyat geosiyasi qeyri-müəyyənlik Fed faiz endirimi bazar proqnozu 2026 təxmini

08.10.2025 17:22