"ABB-İnvest" Azərbaycan kapital bazarında daha bir tarixi hadisənin ərsəyə gəlməsinə mühüm töhfə verir!

"ABB-İnvest" Azərbaycan kapital bazarında daha bir tarixi hadisənin ərsəyə gəlməsinə mühüm töhfə verir!

"ABB-İnvest" Azərbaycan kapital bazarında daha bir tarixi hadisənin ərsəyə gəlməsinə mühüm töhfə verir!

2024-cü ildə ölkədə iri miqyaslı səhm buraxılışının təşkilatçısı (anderrayteri) kimi çıxış edərək tarixi nailiyyət qazanmış “ABB-İnvest İnvestisiya Şirkəti” QSC (ABB-İnvest) bu il daha bir mühüm hadisənin əsas iştirakçısıdır.

Şirkət oktyabrın 1-də yerləşdiriləcək Avropa Yenidənqurma və İnkişaf Bankının (AYİB) milli valyutamızda denominasiya edilmiş ilk istiqrazının buraxılışının anderrayteri qismində çıxış edir və bu buraxılışın ölkənin kapital bazarının inkişafına mühüm töhfə verəcəyinə əminlik bildirir.

AYİB tərəfindən Azərbaycan kapital bazarından istiqraz yerləşdirilməsi yolu 1 il müddətinə ümumi dəyəri 50 milyon manat olan vəsait cəlb olunması gözlənilir. Əsasən institusional investorlar üçün nəzərdə tutulmuş bu istiqraz buraxılışının unikallığı tək onun emitentinin ən yüksək kredit reytinqinə malik nüfuzlu beynəlxalq təşkilat olması deyil, həmçinin istiqraz üzrə faiz gəlirlərinin müəyyən edilməsi qaydası ilə bağlıdır. Belə ki, AYİB istiqrazlarının faiz dərəcəsi banklar arası kredit bazarında müəyyən edilən faiz dərəcəsindən (AZIIR – Azerbaijan Interbank Interest Rate) asılı olaraq dəyişəcəkdir və beləliklə bu istiqrazlar ölkəmizdə dəyişən faiz dərəcəsi ilə kütləvi buraxılmış ilk istiqraz olacaqdır. Dəyişən faiz dərəcəsi ilə buraxılmış istiqrazlar faiz dərəcəsi riskindən qorunmaq niyyətində olan investorlar üçün uyğun investisiya aləti hesab edilir.

İlkin olaraq bazar iqtisadiyyatına keçid edən Avropa ölkələrinə dəstək məqsədi ilə 1991-ci ildə təsis edilmiş bu bank, sonralar fəaliyyətini digər qitələrə genişləndirmiş və müxtəlif ölkələrə, o cümlədən Azərbaycana, 210 milyard ABŞ dollarından çox vəsait investisiya etmişdir.

ABB-İnvest İnvestisiya Şirkəti ABB-İnvest Avropa Yenidənqurma və İnkişaf Bankı AYİB milli valyutada istiqraz istiqraz buraxılışı kapital bazarı anderrayter institusional investorlar 50 milyon manat kredit reytinqi dəyişən faiz dərəcəsi AZIIR banklar arası kredit bazarı faiz gəliri investisiya aləti ölkə kapital bazarının inkişafı beynəlxalq təşkilat investisiya Avropa ölkələri bazar iqtisadiyyatı

30.09.2025 15:10