Dərnəgül tikinti materialları bazarının köçürüləcəyi yer bəlli oldu - FOTOLAR

“Abşeron” Ticarət Mərkəzində Dərnəgül bazarının sahibkarlarını qəbul etmək üçün bütün şərait yaradılıb. Mərkəzin taxta-metal bazarının sahəsi genişləndirilərək 200 hektara çatdırılacaq.

Dərnəgül tikinti materialları bazarının köçürüləcəyi yer bəlli oldu - FOTOLAR

Dərnəgül tikinti materialları bazarı Lökbatan qəsəbəsində yerləşən “Abşeron” Ticarət Mərkəzinə köçürüləcək.

Aldığımız məlumata görə, Dərnəgül tikinti bazarında fəaliyyət göstərən sahibkarları qəbul etmək üçün “Abşeron” Ticarət Mərkəzində bütün müvafiq şərait yaradılıb. Ticarət mərkəzində hazırda tam aktiv olan və yüksək alıcı axınına malik taxta-metal bazarının sahəsi genişləndirilərək 200 hektara çatdırılacaq.

VTB-də minimal faiz dərəcəsi ilə nağd kredit 10.49%-dən

Kompleks ərazisindəki emalatxanalar, taxta və metal materialların satışı üçün ayrılmış yerlər sahibkarlara bizneslərini rahatlıqla “Abşeron” Ticarət Mərkəzinə köçürmək imkanı verəcək.

Regionlara, Bakı şəhərinin mərkəzinə və ətraf ərazilərinə rahat və maneəsiz çıxış imkanları “Abşeron” Ticarət Mərkəzinin üstünlüklərindən biridir. Ticarət Mərkəzində həmçinin müştərilərin pulsuz və rahat parkinq etmələri üçün geniş ərazilər fəaliyyət göstərməkdədir.

“Abşeron” Ticarət Mərkəzi Dərnəgül ərazisindən köçəcək sahibkarlara təhlükəsiz, sığortalanmış biznes fəaliyyəti təmin edir. Ərazidə yerləşən bütün mağaza və anbarlar “Abşeron” Ticarət Mərkəzi tərəfindən tam şəkildə sığortalanır. 7/24 təhlükəsizlik nəzarəti ilə təmin olunan ərazidə yanğından mühafizə ilə bağlı bütün qabaqlayıcı tədbirlər görülüb.

Qeyd edək ki, Lökbatan qəsəbəsində yerləşən “Abşeron” Ticarət Mərkəzi 2022-ci ildən fəaliyyətə başlayıb. Qısa müddət ərzində alıcı və sahibkarların rəğbətini qazanan ticarət mərkəzi bugün Azərbaycanda tikinti materiallarının satışı üzrə ixtisaslaşan ən böyük ticarət obyektidir.

Dərnəgül tikinti bazarı köçürülmə Abşeron Ticarət Mərkəzi taxta-metal bazarı sahibkarlar emalatxana tikinti materialları satış yerləri biznes köçürülməsi regionlara çıxış Bakı şəhəri mərkəz ətraf ərazilər parkinq təhlükəsizlik sığorta yanğından mühafizə mağaza anbar Lökbatan qəsəbəsi alıcı axını ticarət kompleksi 7/24 nəzarət ən böyük ticarət obyekti Azərbaycan.

25.09.2025 13:44