27 milyon manatlıq orqanik gübrə istehsalı zavodunun təməli qoyuldu - 200 nəfər işlə təmin olunacaq

27 milyon manatlıq orqanik gübrə istehsalı zavodunun təməli qoyuldu - 200 nəfər işlə təmin olunacaq

27 milyon manatlıq orqanik gübrə istehsalı zavodunun təməli qoyuldu - 200 nəfər işlə təmin olunacaq

Avqustun 20-də Azərbaycan Respublikasının Prezidenti İlham Əliyev və birinci xanım Mehriban Əliyeva Gəncə şəhərində “Azerbazalt” MMC-nin bazalt məhsullarının istehsalı müəssisəsinin təməlqoyma mərasimində iştirak ediblər.

Marja xəbər verir ki, “Azerbazalt” MMC-nin təsisçisi Rafət Əliyev dövlətimizin başçısına və birinci xanıma müəssisə haqqında məlumat verib.

Bildirilib ki, burada bazalt tozu və onun əsasında orqanik gübrə istehsalı həyata keçiriləcək. Layihə iki mərhələdə icra olunacaq. Birinci mərhələnin investisiya dəyəri 27 milyon manat təşkil edəcək.

İqtisadiyyat Nazirliyinin tabeliyində Azərbaycan Biznesinin İnkişafı Fondu layihədə 30 faiz paya malikdir. Ümumi sahəsi 4 hektar olan zavodda ildə 360 min ton orqanik gübrənin istehsalı planlaşdırılır.

İsveç və Türkiyə texnologiyaları əsasında qurulacaq müəssisədə əsas xammal kimi Göygöl rayonunun “Çaykənd” yatağından çıxarılan yüksəkkeyfiyyətli bazaltdan istifadə ediləcək. Layihənin birinci mərhələsində 200 nəfərin daimi işlə təmin edilməsi nəzərdə tutulur.

Layihənin ikinci mərhələsində isə bazalt əsasında yüksək texnoloji innovativ məhsulların - bazalt lifi, 3D printer üçün xammal olan filamenin və digər sənaye materiallarının istehsalı həyata keçiriləcək. Bu isə öz növbəsində layihəyə əlavə strateji dəyər verməklə yanaşı, müdafiə, tikinti və yüksək texnologiyalar sektorlarının müasir və davamlı məhsullarla təmin olunmasına töhfə verəcək. Layihənin ikinci mərhələsi çərçivəsində 300 nəfər işlə təmin olunacaq. Məhsullar həm daxili tələbatı ödəyəcək, həm də xarici bazarlara ixrac olunacaq.

Qeyd edək ki, xüsusilə yüksək texnoloji bazalt məhsullarına beynəlxalq bazarlarda böyük tələbat var. Bazalt mənşəli məhsullar kənd təsərrüfatı və sənaye sahələri üçün yüksək dəyərə malik, ekoloji cəhətdən təhlükəsiz və çoxfunksiyalı materiallardır. Vulkanik mənşəli və yüksək mineral tərkibli bazalt tozu torpağın qida balansını bərpa edir, strukturunu yaxşılaşdırır və məhsuldarlığı artırır, su hövzələrinin turşulaşmasının qarşısını alır. Bazalt liflərindən isə filtrasiya, səsboğucu, istilik buraxmayan, korroziyaya davamlı örtüklər, beton üçün qatqı və tikinti sahəsində istifadə olunan digər yüksək dayanıqlı materiallar istehsal edilir. Bu materiallar yüksək istilik müqaviməti, dayanıqlılığı və ekoloji təmizliyi ilə seçilir. Həmin xüsusiyyətlərinə görə bazalt lifləri aviasiya, raket texnikası, müdafiə və avtomobil sənayesi kimi yüksək texnoloji sahələrdə geniş istifadə olunur.

Azerbazalt MMC bazalt məhsulları istehsal müəssisəsi təməlqoyma mərasimi Prezident İlham Əliyev Mehriban Əliyeva Rafət Əliyev orqanik gübrə bazalt tozu investisiya dəyəri Azərbaycan Biznesinin İnkişafı Fondu İqtisadiyyat Nazirliyi Gəncə Çaykənd yatağı Göygöl İsveç texnologiyası Türkiyə texnologiyası bazalt lifi 3D printer filamenti sənaye materialları müdafiə sektoru tikinti sektoru yüksək texnologiyalar ixrac potensialı ekoloji təmiz materiallar vulkanik mənşəli bazalt məhsuldarlığın artırılması torpaq bərpası filtrasiya materialları səsboğucu materiallar istilik izolyasiyası korroziyaya davamlı örtüklər beton qatqısı aviasiya sənayesi raket texnikası avtomobil sənayesi ekoloji təhlükəsizlik innovativ məhsullar strateji layihə iş yerlərinin yaradılması

20.08.2025 16:51