PAŞA Bankın 40 milyonluq istiqrazlarına böyük maraq

PAŞA Bankın 40 milyonluq istiqrazlarına böyük maraq

İstiqrazlara 65 investor maraq göstərib və tam məbləği yerləşdirilib.

PAŞA Bankın 40 milyonluq istiqrazlarına böyük maraq

25 iyul 2025-ci il tarixində Bakı Fond Birjasının (BFB) Listinq Komitəsinin qərarı ilə "PAŞA BANK" ASC-nin istiqrazların ticarətə buraxılması üçün “Ticarətə İcazə” qərarı verilmişdi.

Marja xəbər verir ki, qeyd olunan istiqrazların abunə yazılışı 30 iyul 2025-ci il tarixində başlayıb, 12 avqust 2025-ci il tarixinə (bu tarix də daxil olmaqla) kimi 10 iş günü ərzində yekunlaşmışdır.

VTB-də minimal faiz dərəcəsi ilə nağd kredit 9.9%-dən

"PAŞA BANK" ASC-in istiqrazlarının abunə yazılışı üsulu ilə yerləşdirilməsi isə 14 avqust 2025-ci il tarixində baş tutmuşdur. Bankın 40 milyon manatlıq istiqrazlarına 2 dəfədən çox - 90 milyon 121 min manatlıq cəmi sifariş olub. Abunə yazılışında 65 investor 74 sifariş ilə iştirak edib. 54 investorun 54 sifarişi icra edilib. İstiqrazların tam məbləği abunə yazılışı üsulu ilə yerləşdirilib.

Qeyd olunan qiymətli kağızların ticarət nəticələri “Bakı Fond Birjasında Qiymətli Kağızların Ticarətə Qəbulu, Listinqə Alınması, Listinqdə Saxlanılması və Delistinqi Qaydaları”-n 3.19 bəndinin tələblərinə cavab verdiyindən, adıgedən istiqrazlar Standart Bazar Listinq seqmentinə alınır.

İstiqrazlar üzrə məlumat aşağıdakı kimidir:

Emitentin adı: "PAŞA BANK" ASC

Dövlət qeydiyyat nömrəsi – İSİN: AZ2006006624

İstiqrazların növü və forması: Faizli, təminatsız, sənədsiz, adlı istiqrazlar

Ticarət üsulu/forması: Kütləvi / Abunə yazılışı

İstiqrazların sayı: 40 000 ədəd

İlkin ticarət qiyməti: 1 000 AZN

İstiqrazların buraxılış həcmi: 40 000 000 AZN

Kupon faizi: 10.5%

Ödəmə Periodu: İlk istiqrazın yerləşdirildiyi tarixdən etibarən hər 3 (üç) təqvim ayından bir (bir ayda 30 gün olduğunu qəbul etmək şərti ilə) ödənilir

Tədavül müddəti: 12 ay

Minimal qiymət: 1000 (10.50%) AZN

Maksimal qiymət% 1005,7408 (9.89%) AZN

Kəsmə qiyməti: 1003,7597 (10.10%) AZN

Ortaçəkili qiyməti: 1002,7773 (10.20%) AZN

Reallaşdırılmış həcm: 40 000 000 AZN

Sifarişlərin ümumi həcmi (nominal qiymətlə): 90 121 000 AZN

Abunə yazılışında iştirak etmiş investor sayı: 65

Sifarişi icra edilmiş investor sayı: 54

Abunə yazılışında təklif edilmiş sifariş sayı: 74

İcra edilmiş sifariş sayı: 54

Anderrayter: Əsas Anderrayter: “PAŞA Kapital İnvestisiya Şirkəti” QSC