Böyük Britaniyada Tesla-nın satışları 60% azalıb, Çin şirkəti BYD isə yüksəlişdədir

Böyük Britaniyada Tesla-nın satışları 60% azalıb, Çin şirkəti BYD isə yüksəlişdədir

Böyük Britaniyada Tesla-nın satışları 60% azalıb, Çin şirkəti BYD isə yüksəlişdədir

İyul ayında Böyük Britaniyada Tesla markalı elektrikli avtomobillərin satışları 60 faiz azalıb. Marja xəbər verir ki, bu azalma, Avropada az da olsa tələbat azalması fonunda baş verib. Eyni dövrdə Çinin BYD şirkəti isə satışlarda kəskin artım göstərib.

Böyük Britaniyanın Avtomobil İstehsalçıları və Satıcıları Cəmiyyətinin məlumatına əsasən, iyul ayında cəmi 987 Tesla avtomobili qeydiyyatdan keçirilib, halbuki ötən ilin eyni ayında bu rəqəm 2 min 462 idi.

Tesla-nın satışları bu il digər böyük Avropa bazarlarında da azalma göstərib. Bu, əsasən şirkətin rəhbəri Elon Musk-ın siyasi fəallığına olan istehlakçı etirazları və BYD kimi rəqiblərdən gələn təzyiqlə izah olunur. Cəmiyyətə görə, BYD-nin Böyük Britaniyadakı qeydiyyatları iyul ayında illik müqayisədə dörd dəfədən çox artaraq 3 min 184-ə çatıb.

Digər Avropa ölkələrində də Tesla satışlarında kəskin eniş müşahidə olunub:

İsveçdə: 86% azalma (cəmi 163 avtomobil)

Fransada: 27% azalma (1,307 avtomobil)

Belçikada: 58% azalma (460 avtomobil)

Bu azalmalar Tesla-nın əsas modeli olan Model Y SUV-un yenilənmiş versiyasının satışa çıxarılmasına baxmayaraq baş verib.

Elon Musk üçün yeni bonus paketi təsdiqlənib

Tesla bazar ertəsi açıqladığı sənəddə bildirib ki, şirkət rəhbəri İlon Mask (Elon Musk )üçün yeni mükafat paketi təsdiq edilib. 96 milyon səhmdən ibarət bu paket, Maskın diqqətini zəifləyən şirkəti yenidən dirçəltməyə yönəltmək üçün nəzərdə tutulub.

Tesla-nın Böyük Britaniyada satışlarının enməsi avtomobil bazarında nisbətən mülayim azalma fonunda baş verir. İyul ayında Böyük Britaniyada avtomobil qeydiyyatları ötən ilin eyni dövrü ilə müqayisədə 5% azalaraq 140 min 154 ədəd olub.

05.08.2025 23:06