Sahibkarlığın İnkişafı Fondunun xalis mənfəəti 4 dəfəyə yaxın artıb

Sahibkarlığın İnkişafı Fondunun xalis mənfəəti 4 dəfəyə yaxın artıb

Sahibkarlığın İnkişafı Fondunun xalis mənfəəti 4 dəfəyə yaxın artıb

İqtisadiyyat Nazirliyi yanında Sahibkarlığın İnkişafı Fondu (hazırda Azərbaycan Biznesinin İnkiaşfı Fondu) 2024-cü ili 47 milyon 314 min manat xalis mənfəətlə başa vurub.

Fondun maliyyə hesabatına görə, bu, 2023-cü illə müqayisədə 3,8 dəfə çoxdur.

VTB-də minimal faiz dərəcəsi ilə nağd kredit 9.9%-dən

Ötən il SİF-in əsas əməliyyat (faiz) gəlirləri 27 milyon 505 min manat (əvvəlki ilə nisbətən 35,2 % çox), digər (qeyri-faiz) əməliyyat gəlirləri 182 min manat (2,4 dəfə az), ehtimal olunan kredit zərərlərinin bərpası üzrə gəlirləri 31 milyon 806 min manat (18 dəfə çox), əməliyyat xərcləri 8 milyon 111 min manat (9 % çox), mənfəət vergisi ödəmələri isə 4 milyon 68 min manat (56,2 % çox) təşkil edib.

Bu il yanvarın 1-nə SİF-in aktivləri 1 milyard 57 milyon 388 min manat olub ki, bu da illik müqayisədə 4,5 % çoxdur. Bunun 679 milyon 196 min manatı kredit təşkilatlarına verilmiş borclardır. Ötən il Fondun kredit portfeli 0,2 % kiçilib.

Xatırladaq ki, SİF ölkə prezidentinin “Sahibkarlığın inkişafına dövlət dəstəyi mexanizminin təkmilləşdirilməsi haqqında” 31 iyul 2018-ci il tarixli fərmanı ilə, İqtisadiyyat Nazirliyi yanında Sahibkarlığa Kömək Milli Fondunun bazasında yaradılıb. Onun nizamnamə kapitalı 1 milyard 7 milyon 307 min manatdır.

Prezident İlham Əliyevin 11 oktyabr 2021-ci il tarixli sahibkarlığın inkişafına dövlət dəstəyi sahəsində idarəetmənin təkmilləşdirilməsi haqqında fərmana sasən, SİF və İqtisadiyyat Nazirliyinə məxsus “Azərbaycan İnvestisiya Şirkəti” ASC-nin birləşmə formasında yenidən təşkili yolu ilə nazirliyin tabeliyində Azərbaycan Biznesinin İnkişafı Fondu yaradılıb. Dövlət başçısı 23 dekabr 2024-cü il tarixində isə Fondun fəaliyyətinin təmin edilməsi, bununla bağlı bəzi fərmanlarında və sərəncamlarında dəyişiklik edilməsi haqqında fərman imzalayıb. Fərmana əsasən, Fondun Nizamnaməsi və vəsaitindən istifadə Qaydası təsdiq edilib.