İşğaldan azad olunmuş ərazilərin yenidən qurulmasına qarşıdakı 3 ildə 16 milyard manat ayrılacaq

İşğaldan azad olunmuş ərazilərin yenidən qurulmasına qarşıdakı 3 ildə 16 milyard manat ayrılacaq

İşğaldan azad olunmuş ərazilərin yenidən qurulmasına qarşıdakı 3 ildə 16 milyard manat ayrılacaq

İşğaldan azad olunmuş ərazilərin yenidənqurulması və bərpası ilə bağlı xərclərin (Böyük qayıdış I planının layihəsi) 2026-2029-cu illərdə 16 milyard manat təşkil edəcəyi proqnozlaşdırılır ki, bunun da əsaslı xərclərdə xüsusi çəkisi 30,6 faizdir

Marja.az xəbər verir ki, bu, 2026-2029-cu illər üzrə Ortamüddətli Büdcə Çərçivəsi hesabatında bildirilir.

VTB-də yüksək depozit faizləri daha çox qazandırır

Qeyd edilib ki, 2024-cü ildə də işğaldan azad olunmuş ərazilərə böyük qayıdışın təmin edilməsi üçün “Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı” çərçivəsində şəhər və kəndlərin yenidən qurulması və bərpası, həmin ərazilərdə müasir infrastrukturların yaradılması (elektrik enerjisi, təbii qaz, su, rabitə, yol, təhsil, səhiyyə, mədəniyyət, mənzil-kommunal və digər zəruri infrastrukturların və mədəni-tarixi abidələrin bərpası və yenidən qurulması, yaşayış evlərinin tikintisi və s.) davam etdirilmişdir. Ümumilikdə 2020-2024-cü illərdə işğaldan azad olunmuş ərazilərin yenidən qurulması və bərpası üçün dövlət büdcəsindən cəmi 17,6 milyard manat, o cümlədən 2024-cü ildə 5,3 milyard manat vəsait ayrılmışdır, 2025-ci ildə bu məqsədə 4,0 milyard manat vəsait nəzərdə tutulmuşdur. Ötən ilin sonunadək işğaldan azad olunmuş ərazilərdə 10 mindən çox keçmiş məcburi köçkün evlərlə təmin edilmiş, onların sosial müdafiəsinin təmin edilməsi məqsədlərinə dövlət büdcəsindən müvafiq vəsait yönəldilmişdir

15.04.2025 18:37

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az