Maliyyə Bazarı üzrə Təlim və Maarifləndirmə Mərkəzi Azərbaycan Respublikasının Maliyyə Bazarlarına Nəzarət Palatası nəzdində fəaliyyət göstərir.Təlimlərimiz maliyyə bazarı mütəxəssislərinin peşəkar inkişafı və ictimaiyyətin maliyyə savadının gücləndirilməsini özünə məqsəd seçib.

Təlimlərdə iştirak edən iştirakçılar yekunda sertifikatla təmin olunur.

Aşağıda təqdim edilən təlim kurslarında qeydiyyat üçün Mərkəzimizlə əlaqə saxlayın.

Telefon: +994 (12) 498 16 77 Mobil: +994 (51) 498 16 77 E-mail: info@cmtc.gov.az Web: www.fmtc.az

1. Milli mühasibat uçotu standartlarının əsasları

Təlim proqramı Azərbaycan Respublikasının milli standartlarına uyğun təşkil edilmiş mühasibat uçotunun prinsip və qaydalarını, maliyyə hesabatlarının hazırlanmasını və vergi qanunvericiliyinin tələblərinin mühasibat uçotunda əks etdirilməsini əhatə edir.

Təlimin başlanma tarixi: razılaşdırılacaq.

Təlimin ümumi qiyməti: 250 AZN

Təlimin müddəti: 40 saat (2 ay)

Təlimçi: Şahin Həsənov - BP-nin proyekti olan Əsrin Tikintisində mühasibat sahəsi üzrə zəngin iş təcrübəsinə malikdir. Eyni zamanda, təlimçinin beynəlxalq Mühasibat ucotu sistemlərinin proqramlarında işləmək təcrübəsi var. Azərbaycan Dövlət Əmlak Komitəsində yüzdən artıq istehsal, sənaye, tikinti və digər profilli müəsisələrin hesabatlarını tərtib edib və müxtəlif audit yoxlamalarını həyata keçirib. Eyni zamanda qeyri-hökumət təşkilatlarının hesabatlarını beynəlxalq proqram və milli mühasibat standartları üzrə qurub. Hazırda Azərbaycan Banklar Assosiasiyasının baş mühasibi vəzifəsində çalışır.

2. İşgüzar ünsiyyət üçün ingilis dili (English for Business Communication)

İlk öncə ingilis dili biliyinizin səviyyəsi Placement Test (Oxford system) vasitəsilə müəyyən ediləcək. Daha sonra səviyyədən asılı olaraq sizin üçün proqram növü və müddəti seçiləcək.

Təlimin başlanma tarixi: razılaşdırılacaq.

Tədris dili: İngilis dili

İmtahanda iştirakın qiyməti (1 nəfər üçün): 15 AZN İmtahanın müddəti: 1 saat Təlimin aylıq qiyməti: 60 AZN

Təlimçi: Məlahət Vəliyeva - Böyük Britaniyanın Esseks Universitetində post-doktorantura təhsili çərçivəsində təlimçidir. 2003-2017-ci illərdə “British Council” təşkilatının xətti ilə müxtəlif müəssisə və təşkilatlarda ingilis dili üzrə təlimlər həyata keçirmiş, beynəlxalq layihələrdə tərcüməçi vəzifəsini icra etmişdir. 2014-cü ildə ADA Universitetində hal-hazırda isə Azərbaycan Dillər Universitetində pedaqoji fəaliyyət göstərir.