“Caspian Equipment Company” şirkətinin səhmləri ticarətə buraxılır - TARİX

“Caspian Equipment Company” şirkətinin səhmləri ticarətə buraxılır - TARİX

“Caspian Equipment Company” şirkətinin səhmləri ticarətə buraxılır - TARİX

22 oktyabr 2024-cü il tarixində Bakı Fond Birjasının (BFB) Listinq Komitəsinin qərarı ilə “Caspian Equipment Company” ASC-nin səhmləri Bakı Fond Birjasında standart bazar seqmentində listinqə daxil edilib.

Birjanın yaydığı məlumatda bildirilir ki, qeyd olunan səhmlərinin yerləşdirilməsi Bakı Fond Birjasında abunə yazılışı üsulu ilə həyata keçiriləcəkdir.

Abunə yazılışı 22 oktyabr tarixindən başlayaraq 3 iş günü ərzində davam edərək 24 oktyabr tarixində yekunlaşacaq və yerləşdirmə 25 oktyabr tarixində baş tutacaqdır.

Səhmlər üzrə məlumat aşağıdakı kimidir:

Emitentin adı: “Caspian Equipment Company” ASC

Dövlət qeydiyyat nömrəsi – İSİN: AZ1001021455

Səhmlərin növü və forması: Səhm adi, sənədsiz, adlı

Ticarət üsulu/forması: Kütləvi/Abunə yazılışı

Səhmlərin sayı: 100 (ədəd)

İlkin ticarət qiyməti: 1000 manat

Buraxılış həcmi: 100 000 manat

Ticarətə buraxılma tarixi: 25.10.2024

Anderrayter: “CPM-İnvest İ.Ş” ASC

Xəbər verdiyimiz kimi, avtomobillər və ağır texnika üçün müxtəlif markalı mühərrik və sürtgü yağlarının, akkumulyatorların, şinlərin və ehtiyat hissələrinin satışı ilə məşğul olan “Caspian Equipment Company” ASC-nin nizamnamə kapitalı 100 min manat artırılır. Əgər səhmlərin yerləşdirilməsi uğurla yekunlaşarsa “Caspian Equipment Company”nin nizamnamə kapitalı 2 dəfə araraq 100 min manatdan 200 min manata yüksələcəkdir.

“Caspian Equipment Company”nin nizamnamə kapitalının 100%-i Rüstəmov Eldəniz Sabir oğluna məxsusdur.

"Caspian Equipment Company” ASC 2022-ci ildə 15 milyon 455 min manat, 2023-cü ildə 19 milyon 480 min manat, 2024-cü ilin ilk altı aylıq dövründə isə 6 milyon 832 min manat gəlir əldə edib. "Caspian Equipment Company” ASC 2021-ci ildə 469 min 393 manat, 2022-ci ildə 371 min 286 manat, 2023-cü ildə 696 min 910 manat, 2024-cü il birinci yarımil üzrə 663 min 585 manat xalis mənfəət əldə edib.

22.10.2024 15:50