"Rabitəbank"ın vəziyyəti məlum oldu - 19 MİLYON MANATDAN ÇOX XALİS MƏNFƏƏT

"Rabitəbank"ın vəziyyəti məlum oldu - 19 MİLYON MANATDAN ÇOX XALİS MƏNFƏƏT

"Rabitəbank"ın vəziyyəti məlum oldu - 19 MİLYON MANATDAN ÇOX XALİS MƏNFƏƏT

"Rabitəbank" ASC 2024 cü ilin 9 ayı (yanvar-sentyabr) üzrə maliyyə nəticələrini açıqlayıb.

Bankın yaydığı press-relizdə bildirilir ki, bank əsas göstəricilər üzrə artım dinamikasını qoruyub saxlayır. Belə ki, 2024-cü ilin 9 ayı ərzində "Rabitəbank" 19 milyon183 min manat xalis mənfəət əldə edib.

VTB-də minimal faiz dərəcəsi ilə nağd kredit 10.49%-dən

Cari ilin III rübündə Bankın aktivləri 12% artaraq 1 milyard 129 milyon manata çatıb.

KREDİT PORTFELİNDƏ MÜSBƏT DİNAMİKA

Bankın kredit portfeli böyüyərək ötən ilin müvafiq dövrü ilə müqayisədə 16% artıb. Nəticədə ümumi kredit portfeli 813 milyon 875 min manata yüksəlib.

Kredit portfelinin əsas hissəsini biznes kreditləri təşkil edir. Belə ki, biznes kreditləri portfeli 13% artaraq 379 milyon 370 min manata, o cümlədən, istehlak kreditləri portfeli 17% artaraq 281 milyon 725 min manata, ipoteka kreditləri isə 22% artaraq 152 milyon 779 min manata çatıb.

BANKDA FİZİKİ ŞƏXSLƏRİN ƏMANƏTLƏRİ ARTIB

Qeyd edilib ki, 2024-cü ilin 9 ayı ərzində "Rabitəbank"da cəmi əmanətlər 9% artaraq 689 milyon 731 min manat olub. Fiziki şəxslər üzrə əmanətlər isə 21% artaraq 458 milyon 758 min manata çatıb.

Bankın faiz gəlirləri ötən ilin analoji dövrü ilə müqayisədə 28% artaraq 83 milyon 830 min manata çatıb. Qeyri-faiz gəlirləri isə 18% artımla 41 milyon 170 min manata yüksəlib.

"Rabitəbank"ın məcmu kapitalı ötən ilin eyni dövrü ilə müqayisədə 10% artaraq 128 milyon 336 min manat olub.

Qeyd edək ki, hal-hazırda “Rabitəbank” ASC 16 region və Bakı şəhəri üzrə ümumilikdə 28 xidmət məntəqəsi, 74 ATM-i, "Rabita Mobile" tətbiqi, İnternet Bankçılıq platforması, "RabitaBot" çatbotu və 133 nömrəli Çağrı Mərkəzi ilə öz müştərilərinə ən müasir standartlar səviyyəsində geniş spektrli bank xidmətləri təqdim edir.