Biznes kreditlərinin üçdə biri xarici valyutadadır

Biznes kreditlərinin üçdə biri xarici valyutadadır

Biznes kreditlərinin üçdə biri xarici valyutadadır

Mərkəzi Bankın dərc etdiyi 2024-cü ilin 1-ci yarımili üzrə Maliyyə Sabitliyi Hesabatındabankların kredit və depozit portfellərinin dollarlaşması səviyyələri barədə məlumatlar da verilib.

Qeyd edilib ki, kredit portfelinin dedollarlaşma trendi davam etmişdir. Manatın məzənnəsinin sabitliyi və manatla kreditləşmənin genişlənməsi fonunda kredit portfelində milli valyutada olan kreditlərin payının artması trendi davam etmişdir. 2024-cü ilin I yarımili ərzində kredit portfelinin dollarlaşması 0.8 f.b. (faiz bəndi) azalaraq 18% təşkil etmişdir. Bu azalmanın əsas səbəbi biznes kreditləri olmuşdur. Belə ki, yarımil ərzində biznes kreditlərinin dollarlaşma səviyyəsi 1.6 f.b azalaraq 31.5%-ə çatmışdır.

VTB-də yüksək depozit faizləri daha çox qazandırır

Həmçinin Mərkəzi Bankın normativ xarakterli aktlarına əsasən ipoteka kreditinin yalnız milli valyutada verilməsi tələbi ipoteka kreditləri üzrə portfelin demək olar ki, milli valyutada olmasını şərtləndirmişdir. Cari ilin birinci yarısında istehlak kreditlərinin dollarlaşma səviyyəsində nəzərəçarpan dəyişiklik olmamışdır

2024-cü ilin ilk yarımili ərzində depozit portfeli üzrə dollarlaşmanın əsas hərəkətverici qüvvəsi hüquqi şəxslərin tələbli və fiziki şəxslərin müddətli depozitləri olmuşdur. Hüquqi şəxslərin tələbli depozitləri üzrə dollarlaşma 0.5 f.b. artaraq 36.8% təşkil etmişdir. Xarici valyutada hüquqi şəxslərin müddətli depozitləri isə 2.7 f.b. azalaraq 56.5% olmuşdur. Hüquqi şəxslərin xarici valyutada olan tələbli depozitlərində artımın əsas səbəbi əsasən neft-qaz sektorunda fəaliyyət göstərən şirkətlərin əməliyyatları ilə bağlıdır. Cari ilin əvvəli ilə müqayisədə I yarımildə fiziki şəxslərin müddətli depozitləri üzrə dollarlaşma 1.2 f.b. artaraq 35.5%, tələbli depozitləri üzrə isə 0.5 f.b azalaraq 33.1% olmuşdur.

27.09.2024 12:00

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az