İspaniya Booking.com-u 450 milyon dollar cərimələdi

İspaniya Booking.com-u 450 milyon dollar cərimələdi

İspaniyanın antiinhisar nəzarəti orqanı Booking.com-u ədalətsiz şərtlərə və rəqibləri məhdudlaşdırdığına görə 450 milyon dollar cərimələyib. Booking.com, mehmanxanalara onlayn bronlaşdırma xidmətlərinin göstərilməsi üzrə İspaniyada bazarın 70-90 faizi arasında paya malikdir.

İspaniya Booking.com-u 450 milyon dollar cərimələdi

İspaniya dünyaca məşhur onlayn səyahət proqramı Booking.com-u 450 milyon dollar cərimələyib.

Marja xəbər verir ki, İspaniyanın rəqabət orqanı (CNMC) Booking.com-un son 5 il ərzində bazardakı dominant mövqeyindən sui-istifadə etdiyini müəyyən edib.

VTB-də yüksək depozit faizləri daha çox qazandırır

CNMC, 2022-ci ilin oktyabrında İspaniya Otel Menecerləri Assosiasiyası və Madrid Regional Otel Assosiasiyasının şikayətlərindən sonra Booking.com-da araşdırmaya başlayıb. Nəzarətçinin araşdırması təsdiqləyib ki, Booking otellərə qarşı ədalətsiz şərtlər tətbiq edib. Bu da rəqib turizm agentliklərinin rəqabətini çətinləşdirir.

Booking.com sözügedən dövr ərzində mehmanxanalara onlayn bronlaşdırma xidmətlərinin göstərilməsi üzrə İspaniya bazarında 70-90 faizi arasında paya sahib olub.

Səlahiyyətli orqan belə qənaətə gəlib ki, Booking öz platformasından istifadə edərək otellərə ədalətsiz qiymət tətbiq edib və bu, onlara öz vebsaytlarında Booking.com-da təklif olunan qiymətdən daha aşağı qiymətə otaqlar təklif etməsinə mane olub, platforma isə otel qiymətlərini birtərəfli qaydada azaltmaq hüququnu özündə saxlayıb.

Bundan əlavə, qeyd edilib ki, daha yüksək komissiya haqqı ödəmək və ya bəzi otaqlarını endirimlə təklif etmək müqabilində mehmanxanalara Booking.com-un reytinqlərində öz mövqelərini yaxşılaşdırmağa imkan verən bir sıra abunə məhsulları vasitəsilə rezervasiyaların otellərə verdiyi dəyər ilə bağlı şəffaflıq yoxdur.

Fevral ayında Booking.com-a qarşı 486 milyon dollarlıq müvəqqəti cəza elan edən CNMC, qərarın yaxın bir neçə ay ərzində aydınlaşacağını açıqlamışdı. Açıqlamaya görə, CNMC Booking.com-un otellər və digər yerləşdirmə təminatçıları üçün müəyyən etdiyi şərtlərin rəqabəti məhdudlaşdırması barədə qərar qəbul edib.

01.08.2024 08:00

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az