Amazon 7,2 milyard dollarla satış rekordu qırıb

Amazon 7,2 milyard dollarla satış rekordu qırıb

Minlərlə məhsula yüksək endirimlər tətbiq edilən "Prime Day" kampaniyasının ilk günündə Amazon şirkəti tarixindəki satış rekordunu yeniləyərək ABŞ-da 7,2 milyard dollarlıq satış həcminə çatıb. Adobe Analytics-in məlumatlarına görə, ilk gündə ABŞ-da bu kampaniya üzrə xərclər illik müqayisədə 11,7 faiz artıb. Keçən il "Prime Day" kampaniyasının ilk günündə 6,4 milyard dollarlıq alış-veriş edilmişdi. Tədbirin ikinci günündə ümumi satış həcminin 14 milyard dolları keçərək yeni rekorda çatması gözlənilir.

Amazon 7,2 milyard dollarla satış rekordu qırıb

Amerika texnologiya nəhəngi Amazon, minlərlə məhsula yüksək endirimlər tətbiq etdiyi "Prime Day" kampaniyasının ilk günündə şirkət tarixində satış rekordu qıraraq 7,2 milyard dollarlıq satış həcminə çatıb.

Marja.az "Adobe Analytics"in məlumatlarına istinadən xəbər verir ki, "Amazon Prime Day" endiriminin ilk günündə istehlakçı xərcləri illik müqayisədə 11,7 faiz artıb.

VTB-də minimal faiz dərəcəsi ilə nağd kredit 9.9%-dən

Bu il Amazon "Prime Day" kampaniyasını ABŞ-ın bir çox ştatında keçirir.

“Amazon-un 2 gündə 14 milyard dollarlıq satış həcminə çatacağı gözlənilir”

"Adobe Report"a görə, istehlakçılar "Prime Day 2023"ün ilk günündəki 6,4 milyard dollara qarşı "Prime Day 2024"ün ilk gündə 7,2 milyard dollar xərcləyiblər.

Çərşənbə axşamı, "Prime Day "tədbirinin ilk günü ABŞ-da ilin ən böyük e-ticarət satış günü olduğu bildirilib. İstehlakçıların mobil cihazlara 3,5 milyard dollar xərclədiyi ilin ən böyük mobil cihaz alış-verişi günü olub. "Adobe Analytics"in hesabatlarına görə, iki gün davam edən tədbir zamanı onlayn xərclər illik müqayisədə 10,5 faiz artaraq rekord 14 milyard dollar təşkil edəcək.

Adobe, "İndi al, sonra ödə" təklifinin illik 17,1 faiz artım və 540 milyon dollar satış təmin etdiyini açıqlayıb.

2023-cü ilin iyun ayındaki satışlarla müqayisədə qulaqlıq və Bluetooth kateqoriyası 164 faiz, elektronika 33 faiz, televizor satışı isə 83 faiz artıb. "Prime Day 2024"də indiyə qədər orta sifariş məbləği 60,03 dollar təşkil edib. Müqayisə üçün, son iki ilin (2022 və 2023) "Prime Day"ində orta sifariş məbləği müvafiq olaraq 56,64 və 53,14 dollar olub.

Hesabatda yüksək satış rəqəmlərinin qiymət artımı ilə deyil, yeni tələblə bağlı olduğu bildirilib.

18.07.2024 08:35