Ən yuxarı statik reklam-3_3
Ən yuxarı (mobil)_30

Çinin avtomobil istehsalçısı Türkiyədə istehsal üçün müraciət edib

iç səhifə xəbər başlığı altı (mobil)_31
Çinin avtomobil istehsalçısı Türkiyədə istehsal üçün müraciət edib

Çinin aparıcı avtomobil istehsalçılarından biri olan "Shineray Group"un tərkibində fəaliyyət göstərən "SWM Motor", Türkiyədə istehsal üçün müraciət edib.

Şirkətin Türkiyə təmsilçisi "ATMO Group"dan verilən açıqlamaya görə, "SWM Motor" 2023-cü ilin sonunda daxil olduğu Türkiyə bazarını qlobal böyümə strategiyasının mərkəzlərindən biri kimi müəyyənləşdirib.

Reklam_3_11

Bu çərçivədə şirkət Türkiyədə istehsal üçün müraciət edib. "ATMO Group" istehsal təşəbbüsü ilə aqressiv artımını yeni səviyyəyə qaldıracaq.

SWM Motor son zamanlarda Türkiyə bazarına daxil olub və G01, G01F, G03F və elektrik yüngül ticari X30L EV modelləri ilə türk istehlakçılarının qarşısına çıxıb. "SWM Motor Turkey" iyun ayından etibarən G05 adlı yeni D-SUV modeli ilə məhsul çeşidini genişləndirib. 

Türkiyədə istehsal olunacaq avtomobillər Balkan ölkələri və Avropa Birliyi bölgəsindəki digər bazarlara da ixrac olunacaq. 

SWM brendi 1971-ci ildə İtaliyada yaradılmışdır. 2014-cü ildə "Shineray Holding" tərəfindən alınan SWM, 2016-cı ildə "SWM Motors" adı ilə "Shineray Holding"ə məxsus "Brilliance Shineray Chongqing Automobile Co., Ltd."yə daxil edilmişdir.

Dizayn ofisi İtaliyanın Milan şəhərində olan və tamamilə italyan xətlərini daşıyan "SWM Motors"un Çonggingdə (Çin) araşdırma və inkişaf Mərkəzi var. SWM Motors hər il  Çonggingdə 300.000 avtomobil və 300.000 mühərrik istehsal edir.

08.07.2024 08:43

Müştərilərin xəbərləri

Mobil-manshet-alt3_22
Mobil əsas səhifə 4-cü_27
Mobil əsas səhifə 5-ci-2_28
Mobil əsas səhifə 6-ci-2_29
Desktop_Manset_sag_5
Xəbər mətn sağ 1-ci-2_15
Xəbər mətn sağ 2-ci_16
Xəbər mətn sağ 3-cü_17
Xeber_metn_sag_18_2_18
InvestAZ