Qızılın qiyməti rekord qırdı

Qızılın qiyməti rekord qırdı

Yaxın Şərqdə artan geosiyasi gərginlik, eləcə də FED-in bu il pul siyasətini yumşaltmağa başlayacağına dair artan optimizm sayəsində qızılın qiyməti bütün zamanların ən yüksək səviyyəsinə qalxıb.

Yeni həftə əmtəələrin bahalaşması ilə başlayıb.

Marja.az xəbər verir ki, dünya bazarlarında qızılın unsiyasının qiyməti 2 min 450 dollar səviyyəsini görərək rekord qırıb.

Bakı vaxtı ilə saat 12:00-da qızılın unsiyası 1,1% bahalaşma ilə 2 min 441 dollardan ticarət olunub.

Ötən həftə ABŞ dolları ucuzlaşıb və Xəzinə istiqrazları çərşənbə günü açıqlanan məlumatların inflyasiyanın aprel ayında gözləniləndən daha çox azaldığını göstərməsindən sonra yüksəlib. Bu vəziyyət qızıla da dəstək verib.

Qızılın etibarlı sığınacaq statusu xüsusilə Yaxın Şərqdəki geosiyasi hadisələrin ardından yenidən gündəmə gəldib.

İran prezidenti İbrahim Rəisinin helikopter qəzasında həlak olması və İsraildə Qantsın müharibə qərargahından istefa verməsi geosiyasi risklərin artmasına səbəb olub.

Digər tərəfdən Səudiyyə Ərəbistanının vəliəhd şahzadəsi Məhəmməd Bin Salman Kral Salmanın səhhətinin pisləşməsi səbəbindən Yaponiyaya səfərini ləğv edib. Səudiyyə Ərəbistanının 88 yaşlı kralı Salman Bin Əbdüləziz ağciyər iltihabı səbəbindən xəstəxanaya yerləşdirilib.

Şənbə günü Qırmızı dənizdə Çinə gedən neft tankerinin husilər tərəfindən raketi ilə vurulması da regionda geosiyasi risklərin artdığına işarə edib.

Qızılla yanaşı, digər əmtələr - gümüş, palladium, platin mis də bahalaşıb.

Gümüşün qiyməti cümə günü 11 ilin ən yüksək səviyyəsinə çatıb.

İsraildə istefa, İran prezidenti İbrahim Rəisinin helikopter qəzasında ölməsinin və Səudiyyə Ərəbistanı kralının səhhətinin pisləşməsinin Yaxın Şərqdə geosiyasi risklərin artması ilə nəticələnə biləcək yeni qeyri-müəyyənlikləri ortaya çıxaracağı gözlənilir.

20.05.2024 12:01

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az