Saudi Aramco-nun 2023-cü ildə xalis mənfəəti 25% azalıb

Saudi Aramco-nun 2023-cü ildə xalis mənfəəti 25% azalıb

Səudiyyə Ərəbistanının neft şirkəti Saudi Aramco-nun 2023-cü ilin yanvar-dekabr aylarında xalis mənfəəti 2022-ci ildəki 161,07 milyard dollara qarşı 121,27 milyard dollar təşkil edib. Neftin ucuzlaşması fonunda göstərici 24,8% azalıb. Eyni zamanda, Saudi Aramco qeyd edir ki, 2023-cü il üçün mənfəət şirkətin tarixində ikinci ən yüksək gəlirdir. Xalis mənfəət üzrə rekord 2022-ci ildə müəyyən edilib.

Saudi Aramco-nun 2023-cü ildə xalis mənfəəti 25% azalıb

Səudiyyə Ərəbistanının "Saudi Aramco" şirkəti 2023-cü ildə 121,3 milyard dollar xalis mənfəət əldə edib ki, bu da 2022-ci ilin rekordundan (161,1 milyard dollar) 25% azdır, lakin şirkətin tarixində ikinci ən yüksək xalis mənfəətdir.

Marja.az xəbər verir ki, xalis mənfəətin azalması xam neftin qiymətinin və satış həcminin aşağı düşməsi ilə əlaqədardır. Həmçinin xalis mənfəətin azalmasına aşağı emalı və kimya marjaları da səbəb olub.

Şirkətin sərbəst pul vəsaiti keçən il 101,2 milyard dollar təşkil edib ki, bu da 2022-ci illə (148,5 milyard dollar) müqayisədə təxminən 30% azdır. “Saudi Aramco”nun əsaslı xərcləri 38,8 milyard dollardan 49,7 milyard dollara yüksəlib.

Saudi Aramco-nun 2023-cü ildə orta hesabla karbohidrogen hasilatı səviyyəsi gündəlik 12,8 milyon barel olub (2022-ci illə müqayisədə 7,7% az).

Səudiyyə Aramco-nun dividend ödənişləri 30% artaraq 97,8 milyard dollar təşkil edib.

Ötən ilin may ayından Səudiyyə Ərəbistanı OPEC + sazişləri çərçivəsində könüllü olaraq neft hasilatını azaldıb.

Şirkətin baş icraçı direktoru Amin Nasser bildirib ki, Saudi Aramco-nun “dayanıqlığı və çevikliyi” iqtisadi çətinliklərə baxmayaraq, güclü gəlirliliyə və sağlam pul axınına töhfə verib.

10.03.2024 21:02

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az