Çində iPhone satışları kəskin azalıb, “Huawei” "iPhone"u geridə qoyub

Çində iPhone satışları kəskin azalıb, “Huawei” "iPhone"u geridə qoyub

“Huawei” smartfonları Çin bazarında "iPhone"u geridə qoyub

Çində iPhone satışları kəskin azalıb, “Huawei” "iPhone"u geridə qoyub

Huawei smartfonları Çin bazarında populyarlıq baxımından iPhone-u geridə qoyub.

Marja.az xəbər verir ki, bunu "Counterpoint"ın araşdırması göstərib.

2024-cü ilin ilk altı həftəsində Apple-ın Çində satışları illik müqayisədə 24% azalıb, Huawei-nin satışları isə eyni dövrdə 64% artıb. Apple-ın Çin bazarındakı payı 16%-dən aşağı düşüb, brend populyarlıqda dördüncü yerə geriləyib, Huawei 16,5%-lik payla ikinci yerə yüksəlib.

İndi Amerika istehsalçısının əsas rəqibi yerli Huawei-dır. Huawei şirkətinin Mate 60 seriyasına güclü tələbat mövcuddur.

Apple-ın Çin smartfon bazarındakı payı 15,7%-ə düşüb, şirkət çinli istifadəçilər arasında populyarlıq baxımından dördüncü yerə geriləyib. Bir il əvvəl 19% payla ikinci yerdə idi.

Öz növbəsində Huawei ikinci yerə yüksəlib, istehsalçının Çin smartfon bazarında bazar payı il ərzində 9,4%-dən 16,5%-ə yüksəlib. Çinin smartfon bazarı isə 7% azalıb.

"Counterpoint"ın baş analitiki Mengmeng Zhang bildirib ki, "Apple şirkəti OPPO, Vivo və Xiaomi-nin aqressiv qiymətləri ilə bazarda sıxışdırıldığı bir dövrdə, Huawei-nin də sərt rəqabəti ilə üzləşir". Reuters yazır ki, keçən həftə şirkət Tmall platformasında satılan bəzi iPhone modellərinə 1300 yuana (180,68 dollar) qədər subsidiya verməyə başlayıb.

Huawei ilə yanaşı, şirkətin Honor brendinin də satışları 2% artıb. Eyni zamanda, Vivo, Xiaomi və Oppo satışları müvafiq olaraq 15%, 7% və 29% azalıb.

Reuters yazır ki, Apple-ın Çindəki fəaliyyəti Amerika şirkətinin məhsullarına tələbin yavaşlaması ilə bağlı narahatlıqları artırır. Çərşənbə axşamı, martın 5-də keçirilən ticarət zamanı Apple şirkətinin səhmləri təxminən 3% də ucuzlaşıb və 170 dollara düşüb.

Qeyd edək ki, Çində istehlak xərcləri yavaşlayıb, hökumət də işçilərinə rəsmi məqsədlər üçün Apple məhsullarından istifadə etməyi qadağan edib.

06.03.2024 09:31

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az