2 kolbasa istehsalçısı barəsində iş qaldırılıb, araşdırma davam edir

2 kolbasa istehsalçısı barəsində iş qaldırılıb, araşdırma davam edir

2 kolbasa istehsalçısı barəsində iş qaldırılıb, araşdırma davam edir

İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti "Azərbaycan Dəmir Yolları" QSC, “HALAL PAYIM" MMC, “AY-MİN” MMC və Fiziki şəxs Elşad Mədətov Paşa oğlu haqqında iş qaldırıb.

Marja.az xəbər verir ki, bu barədə 2024-cü ilin Fevral ayı ərzində baxılması nəzərdə tutulan antiinhisar qanunvericiliyinin pozulması əlamətləri üzrə qaldırılmış işlərin cədvəlində məlumat verilib.

VTB-də yüksək depozit faizləri daha çox qazandırır

“Azərbaycan Dəmir Yolları” QSC-nin dəmir yol sahəsində fəaliyyət göstərən ekspeditor şirkətlərinə qarşı haqsız rəqabətə və ayrıseçkiliyə yol verməsi, habelə əməkdaşlıqdan əsassız olaraq imtina etməsi araşdırılır.

“HALAL PAYIM" barəsində kolbasa və sosiska istehsalı sahəsində haqsız rəqabət qanunvericiliyinə əməl olunması ilə bağlı aparılmış araşdırılmalar zamanı müəyyən edilmiş qanun pozuntusu araşdırılılır.

“AY-MİN” MMC barəsində kolbasa və sosiska istehsalı sahəsində haqsız rəqabət qanunvericiliyinə əməl olunması ilə bağlı aparılmış araşdırılmalar zamanı müəyyən edilmiş qanun pozuntusu araşdırılır.

Həmçinin İlqar Hacıyev Adil oğluna məxsus “HACIOĞLU” əmtəə nişanından fiziki şəxs Elşad Mədətov Paşa oğlu tərəfindən qanunsuz istifadə edilməsi araşdırılır.

Qeyd edək ki, “HALAL PAYIM" MMC və “AY-MİN” MMC şirkətləri haqqında iş ötən ildən qaldırılıb. İşlərə Dekabr ayında da baxılması nəzərdə tutulurdu.

Qanun pozuntusunun əlamətləri “Haqsız rəqabət haqqında” Azərbaycan Respublikası Qanununun 9-cu maddəsinin ikinci və beşinci abzaslarının tələblərinin pozulması əlamətləridir (əmtəənin istehlakçını çaşdıra bilən yanlış müqayisə edilməsi və onun reklam və ya informasiya materialı kimi açıqlanması; əmtəənin öz təyinatına və ya ona qoyulan tələblərə uyğun olmadığının gizlədilməsi).

Qeyd edək ki, “HALAL PAYIM" MMC "Payım" əmtəə nişanlı məhsulların, "Ay-Min" MMC isə "Flaqman" əmtəə nişanlı məhsulları istehsal edir.

05.02.2024 11:07

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az