63 min nəfər "Tesla Model 3" sifarişini ləğv edib

 
"Marja" xəbər verir ki, Tesla-nın İcraçı direktoru Elon Musk, şirkətin maliyyə göstəricilərini açıqlamaq üçün keçirdiyi mətbuat konfransında yeni "Model 3" sifarişi verən 518 min nəfərdən 63 mininin sifarişini ləğv etdiyini deyib. Beləliklə, "Model 3" üçün sifariş sayı 455 min nəfərə düşüb.

 
Ancaq Musk, ləğvlərin çox da əhəmiyyətli olmadığını, çünki şirkətin "Model 3" üçün cümə günündən bu yana gündə orta hesabla 1800 sifariş aldığını söyləyib.

 
Musk, avtomobili almaq üçün lazım olan müddətin uzunluğu səbəbilə bu ləğvlərin ola biləcəyini deyərək, "Bu, sanki bir restoranda əyləşərək bir hamburqer sifariş etməyiniz kimidir. Amma bunun üçün 1.5 saat gözləməyiniz lazımdır" ifadəsini istifadə edib.

 
Model 3 almaq üçün hazırda depozit yatıranların avtomobilə sahib olmaq üçün 2018-ci ilin sonlarını gözləməsi lazımdır.

Tesla, digər avtomobil istehsalçılarından fərqli olaraq ön sifariş üsulu ilə işləyir. Yəni, Tesla həvəskarları, öncədən sifariş verərərk avtomobili əldə edirlər.Teslanın internet saytından qeydiyyatdan keçb, min dollar ödəyərək sıra nömrəsi almaq mümkündür. Maşınınıza qovuşmaq üçün 12- 18 ay gözləyə bilərsiniz.
 

"Tesla Model 3"ün rəsmi təqdimatı ötən həftə keçirilmişdi və ilk 30 maşın sahiblərinə təslim edilmişdi. Sentyabr ayının sonuna kimi daha 1500 avtomobilin  təslim edilməsi hədəflənir. Bu rəqəmin ilin sonuna qədər 20 min vasitəyə çıxması gözlənilir.
 

"Tesla Model 3", elektirikli avtomobilləri bir addım irəli aparıb. Əvvəlki versiyalara görə, həm qiyməti düşüb, həm mənzili, həm də sürəti artıb.
 

Elektromobilin qiyməti 35 min dollardan başlayır. Əvvəlki versiya "Model S"in qiyməti isə 69 min 500 dollar idi. "Model 3"ün mənzili 354 km-dir.

 
Daha çox mənzil istəyənlər üçün "Long Range" versiyası da mövcuddur. Təxminən 500 km mənzili olan bu modelin qiyməti  44 min dollardır.