Bazarın dörd gözlə gözlədiyi avtomobil
 
 
 Elektrikli və sürücüsüz istifadə xüsusiyyətləri ilə gələcəyin avtomobili "Tesla Model 3" yollara çıxmağa hazırlaşır.

"Marja" xəbər verir ki, qQurulduğu 2003-ci ildən bu yana neft şirkətlərinin heç xoşuna gəlməyən bir layihəni davam etdirərək yalnız elektrikli avtomobil istehsal edən Tesla,  yeni avtomobilini təqdim edib.

Tesla ilk dəfə 2008-dci ildə "Roadster", 2012-ci ildə "Model S" , "2015"ci ildə  isə "Model X" modelini təqdim etmşdi. Bazarın maraqla gözlədiyi "Model 3"ün təqdimatı da bazar günü baş tutub.

Təqdimata, Tesla-nın İcraçı direktoru Elon Musk  ilk fazada istehsal edilmiş 30 "Model 3"dən biri ilə salona daxil olub.

Sıfır emissiyalı elektrikli mühərriki olan, münasib qiymətli" avtomobil istehsal etməyi qarşısına məqsəd qoyan Muskın yeni maşını 35 min dollardır . Model ABŞ və Avropa standartlarına görə "lüks" sinfinə daxil olmur. Əvvəlki versiya "Model S"in qiyməti isə 69 min 500 dollar idi.

Avtomobilə 80 min 500 kilometrə qədər dörd il zəmanət verilir, batareyanın zəmanəti təxminən 161 min kilometrə qədər və ya səkkiz ildir.

Saatda 100 kilometr sürətə təxminən 6 saniyədə çıxan "Model 3"ün maksimum sürəti saatda 210 kilometrdir. Bu məsafəni bateriyanı 30 dəqiqədə dolduraraq qət etmək olar.  Elektrikli avtomobilin mənzili isə 354 kilometrdir.

 Avtomobilin 500 kilometr mənzilli variantı isə 44 min dollara satılır. Bu variantın da maksimum sürəti saatda 225 kilometrdir.

Əgər, "sadəcə, maşına minib gedim" deyirsinizsə, sürüşə və yola nəzarət edəcək avtomatik pilot üçün 5 min dollar ödəmək lazımdır.

Açarsız idarə olunan "Model 3", Wi-Fi və LTE internet əlaqəsi ilə səslə kontrol, Bluetooth, arxa kamera kimi texnologiyalara malikdir.

Tesla, digər avtomobil istehsalçılarından fərqli olaraq ön sifariş üsulu ilə işləyir. Yəni Tesla həvəskarları, öncədən sifariş verərərk avtomobili əldə edirlər.  "Model 3"ə bu günə qədər verilən sifarişin nə qədər olduğu rəsmi olaraq açıqlanmasa da, texnologiya saytları 500 minə yaxınlaşdığını yazırlar.

Teslanın internet saytından qeydiyyatdan keçb, min dollar ödəyərək sıra nömrəsi almaq mümkündür. Maşınınıza qovuşmaq üçün 12- 18 ay gözləyə bilərsiniz.

2017-ci ilin sonuna qədər ayda 20 min "Model 3"ün sahiblərinə təhvil verilməsi planlaşdırılır.