Meyvə-tərəvəz idxal edənlər vergi orqanına xüsusi forma təqdim etməli olacaqlar

Meyvə-tərəvəz idxal edənlər vergi orqanına xüsusi forma təqdim etməli olacaqlar

Meyvə-tərəvəz idxal edənlər vergi orqanına xüsusi forma təqdim etməli olacaqlar

Xəbər verdiyimiz kimi, Azərbaycan Respublikasının Vergi Məcəlləsində dəyişiklik edilməsi haqqında Qanun layihəsi Milli Məclisdə müzakirə olunur.

Marja.az-ın məlumatına görə, “Bizcon Audit” MMC-nin direktor-auditoru Anar Bayramov bildirib ki, 2024-cü ildən Vergi Məcəlləsində nəzərdə tutulmuş dəyişikliyə əsasən kənd təsərrüfatı məhsullarının satışı ƏDV-yə yeni qaydada cəlb ediləcək.

"2024-ci ildən Vergi Məcəlləsinə nəzərdə tutulmuş dəyişikliyə əsasən kənd təsərrüfatı məhsullarını idxal edərək topdan və pərakəndə qaydada satışını həyata keçirən şəxslər üçün ƏDV hesablanması əvvəlki illərdə olduğu kimi ümumi dövriyyədən olacaq. Məlumdur ki, mövcud qanunvericiliyə əsasən kənd təsərrüfatı mallarının satışı zamanı ƏDV ticarət əlavəsindən hesablanır və eyni zamanda alışlar, o cümlədən idxal zamanı ödənilən ƏDV məbləği əvəzləşdirilmir. Bu metodla satışın ƏDV-yə yalnız ticarət əlavəsi hissəsinin cəlb edilməsi belə, bu bir çox hallarda sahibkarlar üçün ciddi şəkildə maliyyə itkisinə gətirib çıxarırdı. Belə ki, vergi ödəyiciləri idxal zamanı statistik dəyərdən hesablanmış daha artıq ƏDV məbləğini əvəzləşdirə bilmirdilər və beləliklə də onların vergi xərcləri yüksək olur. Lakin nəzərdə tutulmuş dəyişikliyə əsasən artıq növbəti ildən vergi ödəyicisinin hüququ var ki, kənd təsərrüfatı məhsullarının satışı ilə məşğul olan şəxslər idxalda ödədikləri ƏDV məbləğini tam əvəzləşdirəcəklər və satışdan ƏDV məbləği dövriyyədən tam hesablanacaq. Bunun üçün 2024-cü il yanvar ayıınn 1-dən kənd təsərrüfatı məhsulu idxal edəcəkləri tarixədək vergi orqanınına xüsusi məlumat forması təqdim etməlidir. Əksi təqdirdə ƏDV mövcud qanunvericiliyə əsasən ticarət əlavəsindən hesablanacaq və idxalda ödənilən ƏDV-ni əvəzlğşdirə bilməyəcək", - Bayramov məlumat verib.

21.11.2023 14:19

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az