Gəncədə ət, süd və yumurta istehsalı artıb

Gəncədə ət, süd və yumurta istehsalı artıb

Gəncədə ət, süd və yumurta istehsalı artıb

2023-cü ilin yanvar-sentyabr aylarında Gəncə şəhərində kənd təsərrüfatının vəziyyəti haqqında məlumatlar açıqlanıb.

Marja.az Gəncə Şəhər Statistika İdarəsinə istinadən xəbər verir ki, Gəncə şəhəri əsasən sənaye şəhəri olmasına baxmayaraq, kənd təsərrüfatı məhsulları istehsalı sferasındada qismən iştirak edir. 2023-cü ilin yanvar-sentyabr aylarında kənd təsərrüfatının ümumi məhsulu faktiki qiymətlərlə 2683,6 min manat, o cümlədən bitkiçilik məhsulları 1362,4 min manat, heyvandarlıq məhsulları 1321,2 min manat təşkil etmişdir.

VTB-də minimal faiz dərəcəsi ilə nağd kredit 9.9%-dən

2023-cü ilin yanvar-sentyabr aylarında Gəncə şəhərində 64,5 ha əkin aparılmışdır. Bunun 29,0 hektarı dənlilər və dənli paxlalı bitkilərin (o cümlədən 8,0 hektarı payızlıq buğda, 21,0 hektarı payızlıq arpa), 34,5 hektarı tərəvəz bitkilərinin, 1 hektarı isə yem bitkilərinin əkin sahəsini təşkil etmişdir.

Əkilmiş sahələrdən 2023-cü ilin yanvar-sentyabr aylarında 61,1 ton dənlilər və dənli paxlalı bitkilər (17,2 ton buğda, 43,9 ton arpa), 146,2 ton tərəvəz və 28,8 ton yonca yığılmışdır. Sahəsi 332,4 hektar olan meyvə və giləmeyvə bağlarından 672,1 ton məhsul, üzümlüklərdən (127,2 hektar) isə 336,3 ton məhsul toplanmışdır.

Gəncə şəhərində 2023-cü ilin yanvar-sentyabr aylarında heyvandarlıq bölməsində 114,4 ton ət diri çəkidə, 505,5 ton süd, 796 min ədəd yumurta, 2,9 ton yun istehsal edilmişdir. 2022-ci ilin müvafiq dövrünə nisbətən ət istehsalı 65,1 ton, yaxud 2,3 dəfə, yumurta istehsalı 476 min ədəd (2,5 dəfə), süd istehsalı 201,0 ton (66,0 faiz), yun istehsalı isə 0,1 ton (3,6 faiz) artmışdır.

2023-cü ilin oktyabr ayının 1-i vəziyyətinə təsərrüfatlarda 808 baş iribuynuzlu mal-qara (ondan 342 baş inək və camış), 1199 baş qoyun və keçi, 33 baş donuz mövcud olmuşdur.

15.11.2023 09:19