Kiyev büdcə kəsirini bağlamaq üçün 30 milyard dollardan çox vəsaitə ümid edir

Kiyev büdcə kəsirini bağlamaq üçün 30 milyard dollardan çox vəsaitə ümid edir

Kiyev büdcə kəsirini bağlamaq üçün 30 milyard dollardan çox vəsaitə ümid edir

Ukrayna ölkənin dövlət büdcəsinin kəsirini bağlamaq üçün Avropa İttifaqı (Aİ), ABŞ və Beynəlxalq Valyuta Fondundan (BVF), eləcə də müttəfiq dövlətlərdən 30 milyard dollardan çox maliyyə yardımı alacağını gözləyir.

Marja xəbər verir ki, bunu Ukraynanın Baş nazir Denis Şmıxal bildirib.

Bir gün əvvəl Ali Radanın deputatı Yaroslav Jeleznyak məlumat vermişdi ki, Ukrayna parlamenti 1,57 trilyon qrivna (43 milyard dollardan çox) kəsirlə ölkənin 2024-cü il büdcə layihəsini ikinci və yekun oxunuşda qəbul edib.

"Büdcə gəlirləri 1,780 trilyon qrivna, xərcləri təxminən 3,350 trilyon qrivna təşkil edəcək. Demək olar ki, hər gün büdcə kəsirinin maliyyələşdirilməsi üçün tərəfdaşlardan dəstək almağa çalışırıq. BVF-dən 5,4 milyard dollar, Aİ-dən 18 milyard avro maliyyə yardımı, ABŞ-dan on milyard dollardan çox vəsait alacağımızı gözləyirik” - Şmıxal Telegram kanalında yayımlanan videoda bildirib.

O, həmçinin əlavə edib ki, Ukrayna tərəfi Yaponiya, Böyük Britaniya, İsveç, Portuqaliya və Kiyevin digər müttəfiqlərindən əlavə büdcə dəstəyi gözləyir. Denis Şmıxal etiraf edib ki, 1,57 trilyon qrivna kəsiri kontekstində əsas büdcə xərclərinin maliyyələşdirilməsi hakimiyyətin iki ildir öhdəsindən gəldiyi “çox çətin işdir”.

Denis Şmıxal sentyabrın 15-də bildirib ki, Ukrayna hökuməti 2024-cü il üçün büdcə layihəsini 45,6 milyard dollarlıq rekord hərbi xərclərlə qəbul edib ki, bu da sosial sahəyə, tibbə və təhsilə ayrılan xərcləri üstələyir. Ukrayna Maliyyə Nazirliyi bildirib ki, Ukraynanın 2024-cü il büdcəsi layihəsində təhlükəsizlik və müdafiəyə 48 milyard dollardan çox vəsait nəzərdə tutulub ki, bu da ÜDM-in 23 faizini təşkil edir.

11.11.2023 20:56

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az