Porsche 22 min avtomobilini geri çağıracaq

Porsche 22 min avtomobilini geri çağıracaq

Porsche 22 min avtomobilini geri çağıracaq

Almaniya nəqliyyat naziri Aleksandr Dobrindt, Porsche Cayenne-in 3 litrlik TDI modellərində emissiya dəyərlərini olduğundan aşağı göstərən qeyri-qanuni proqram istifadə edildiyini və 22 min avtomobilin geri çağırılacağını açıqlayıb.

"Marja" xəbər verir ki, Dobrindt, Berlində jurnalistlərə verdiyi açıqlamada, sözügedən avtomobillərin reyestrinin dayandırıldığını və Almaniyanın lüks avtomobil istehsalçısının Avropa daxilində 22 min avtomobili geri çağıracağını ifadə edib.

TEXNİKİ TƏLƏBLƏRƏ UYĞUNDUR, QANUNLARA İSƏ YOX

Porscheun geri çağırma xərcini 100% qarşılayacağını bildirən Dobrindt, "Bu vasitələr, müasir emissiya nəzarət texnologiyası ilə təchiz olunmuşdur, bu səbəbdən bu vasitələrin texniki olaraq emissiya limitlərinə sadiq qaldıqlarını hesab edirik. Porsche-nin, proqram təminatını qanunlara uyğun hala gətirəcək bir mövqedə də olacağına inanırıq",- ifadələrini istifadə edib.

Digər tərəfdən, illərlə "Alman standartı" ilə məşhurlaşan və dünya miqyasında geniş bir müştəri potensialı yığan Almaniyanın aparıcı avtomobil markaları, son dövrlər emissiya sınaqlarında dəyəri aşağı göstərən hiyləgər proqram istifadə etdiklərinə görə gündəmdən düşmürlər.

İlk emissiya qalmaqalı, Volkswagen, Audi, Porsche, Bentley, Lamborghini, Seat və Skoda brendlərinin daxil olduğu Volkswagen Qrupunda baş verib. Qrup, dizel vasitələrdə emissiyası testi qalmaqalı səbəbilə uzun müddət gündəmi məşğul etdi.

Sonra, sözügedən proqramın digər bəzi Alman avtomobillərində də istifadə edildiyi müəyyən edilib.

28.07.2017 06:10

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az