Özbəkistanda iki ödəniş xidməti beynəlxalq köçürmələri dayandırıb

Özbəkistanda iki ödəniş xidməti beynəlxalq köçürmələri dayandırıb

Özbəkistanın iki ən böyük ödəniş xidməti beynəlxalq köçürmələri dayandırıb

Özbəkistanda iki ödəniş xidməti beynəlxalq köçürmələri dayandırıb

Özbəkistanın iki ən böyük ödəniş xidməti olan "Oson" və "Pay Way" sentyabrın 5-dən etibarən xarici pul köçürmələri xidmətlərini dayandırıb.

Marja.az xəbər verir ki, bu barədə xidmətlərin mətbuat xidmətləri məlumat yayıb.

"Tətbiq bütün beynəlxalq istiqamətlərdə, o cümlədən Rusiyadan və Rusiyaya köçürmələri müvəqqəti olaraq dayandıracaq. Özbəkistan Mərkəzi Bankı bu istiqamətləri müvəqqəti olaraq xidməti dayandırmaq barədə göstəriş verib", - "Pay Way"in məlumatında deyilir.

Mətbuat xidmətindən verilən məlumata görə, tətbiqdə ölkədaxili ödənişlər, yerli Uzcard və Humo pul köçürmə sistemləri arasında köçürmələr, o cümlədən kommunal və rabitə xidmətlərinin ödənişi hələ də fəaliyyət göstərir.

"Sentyabrın 5-dən etibarən beynəlxalq köçürmələr və xarici xidmətlər üçün ödənişlər müvəqqəti dayandırılacaq. Yaranmış narahatlığa görə üzr istəyirik. Xidmətlər yaxın vaxtlarda bərpa olunacaq", - "Oson" bildirir.

Özbəkistan Mərkəzi Bankı hələlik bu vəziyyəti şərh etməyib. Avqustun sonunda tənzimləyici bildirmişdi ki, ödəniş əməliyyatları həyata keçirərkən cinayət yolu ilə əldə edilmiş gəlirlərin leqallaşdırılmasına və terrorçuluğun maliyyələşdirilməsinə qarşı mübarizə haqqında qanunu pozduğuna görə "Brio Group" MMC-ni (Oson brendi) cərimələnib.

Özbəkistanda əsasən Rusiyadan gələn pul köçürmələri əmək miqrantlarının ailələri üçün mühüm gəlir mənbəyi olaraq qalır. Mərkəzi Bankın məlumatına görə, 2023-cü ilin yanvar-iyun aylarında Özbəkistana transsərhəd pul köçürmələrinin həcmi 21,2% azalaraq 5,2 milyard dollar təşkil edib, bu həcmin 80%-ə qədəri Rusiya Federasiyasından edilən köçürmələrin payına düşüb.

Hazırda respublikada 52 ödəniş sistemi qeydiyyatdan keçib, onlardan ən böyüyü "Oson" və "Pay Way"dir. Xarici ödəniş sistemləri Western Union və MoneyGram Rusiya bazarını tərk etdikdən sonra Özbəkistan xidmətləri əmək miqrantlarından vətənlərinə pul köçürmələri üçün əsas kanallardan birinə çevrilib.

05.09.2023 08:21

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az