Pakistanın iri bankının Azərbaycandakı şirkəti böyüyüb, gəlirləri və mənfəəti artıb

Pakistanın iri bankının Azərbaycandakı şirkəti böyüyüb, gəlirləri və mənfəəti artıb

Pakistanın iri bankının Azərbaycandakı şirkəti böyüyüb, gəlirləri və mənfəəti artıb

“MCB Bank Olmayan Kredit Təşkilatı” Qapalı Səhmdar Cəmiyyəti 31 dekabr 2022-ci il tarixində başa çatan il üzrə maliyyə hesabatlarını açıqlayıb.

Marja.az xəbər verir ki, “MCB Bank Olmayan Kredit Təşkilatı” 2022-ci ili 725 min 352 manat xalis mənfəət ilə başa vurub. Təşkilat 2021-ci ili 659 min 121 manat xalis mənfəət ilə bağlamışdı. Beləliklə, ötən il “MCB BOKT"ın xalis mənfəəti 66 min 231 manat və ya 10% artıb.

“MCB"nin maliyyə lizinqi üzrə faiz gəliri 2021-ci ildə 1 milyon 839 min 594 manat ikən, 2022-ci ildə 2 milyon 573 min 456 manata yüksəlib (733 min 862 manat və ya 39,9% artıb).

Təşkilatın haqq, komissiya və brokerlik gəliri isə 2021-ci ildə ki 197 min 985 manatdan 2022-ci ildə 247 min 739 manata qalxıb.

Ötən il “MCB" BOKT-ın lizinq portfeli 1 milyon 146 min 65 manat və ya 30,8% artaraq 9 milyon 106 min 910 manata çatıb. Təşkilatın cəmi aktivləri isə 5 milyon 229 min 448 manat və ya 38,6% artaraq 31 Dekabr 2022-ci il tarixində 18 milyon 763 min 994 manat olub.

“MCB BOKT” QSC Pakistan İslam Respublikasının ən iri kommersiya banklarından olan "MCB Bank Limited" tərəfindən 2009-cu ildə təsis edilib. Təşkilatın fəaliyyətinin əsas istiqaməti hüquqi və fiziki şəxslər üçün girovsuz biznes kreditlər / maliyyə lizinqidir. Bu gün “MCB BOKT” QSC Azərbaycanda tibbi və ustehsalat avadanlıq, nəqliyyat vasitələri, xüsusi avadanlıq, robot texnikası və daşınmaz əmlakın alınmasını maliyyələşdirən universal lizinq şirkətidir.

“MCB Bank Olmayan Kredit Təşkilatı” Qapalı Səhmdar Cəmiyyətinin 31 dekabr 2022-ci il tarixində başa çatan il üzrə Maliyyə hesabatları