Bir gündə təxminən 13 milyard dollar itirdi

Bir gündə təxminən 13 milyard dollar itirdi

Milyarderin sərvətinin bu qədər azalmasının səbəbləri Tesla şirkətinin səhmlərinin ucuzlşaması və Starship prototipinin super ağır kosmik gəmisinin partlaması olub.

Bir gündə təxminən 13 milyard dollar itirdi

Tesla və SpaceX, həmçinin Twitter sosial şəbəkəsinin sahibi İlon Maskın sərvəti bir gündə 12,6 milyard dollar azalıb.

Marja bu barədə "Bloomberg"ə istinadən xəbər.

Bloomberg Millionaires indeksinə görə, 2023-cü ilin əvvəlindən iş adamının itkiləri rekord həddə çatıb. Milyarderin sərvətinin belə nəzərəçarpacaq dərəcədə azalmasının səbəbləri ilin birinci rübündə göstəriciləri proqnozları doğrultmayan Tesla-nın səhmlərinin 9,75% ucuzlaşması və “Starship” prototipinin super ağır kosmik gəmisinin partlaması olub. Aprelin 20-də səhər Texasdakı Boca Chica kosmik mərkəzindən buraxılan zaman “Starship”in gəmisi partlayıb. Mask həmçinin Twitter istifadəçilərinin böyük bir hissəsinin aylıq 8 dollara başa gələn ödənişli Twitter Blue abunəliyini yeniləməkdən imtina etməsi səbəbindən də pul itirib.

51 yaşlı sahibkar dünyanın ən varlı adamları reytinqində ikinci yeri tutur, yalnız LVMH şirkətlər qrupunun (Louis Vuitton Moet Hennessy) prezidenti Bernard Arnaultdan geri qalır. Maskın sərvəti təxminən 164 milyard dollardır.

Oktyabrın 27-də Mask eyni adlı sosial şəbəkənin sahibi olan Twitter-i almaq üçün 44 milyard dollarlıq müqavilə bağlayıb. Alqı-satqının elan edilməsindən sonra iş adamının sərvəti 29 milyard dollar azalıb. 2022-ci ildə milyarder, rekord vuraraq, tarixdə 200 milyard dollardan çox itirən yeganə şəxs olub.

21.04.2023 10:34

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az