Azərbaycanın dövlət büdcəsində bir ilk

Azərbaycanın dövlət büdcəsində bir ilk

Azərbaycanın dövlət büdcəsində ilk dəfə Dövlət Neft Fondundan transfert nəzərə alınmadan profisit (artıqlıq) qeydə alınıb.

Bu barədə Marja.az Maliyyə Nazirliyinə istinadən xəbər verir.

VTB-də yüksək depozit faizləri daha çox qazandırır

Qeyd edilib ki, Dövlət Neft Fondundan transfert nəzərə alınmadan dövlət büdcəsinin gəlirləri 131,9 faiz icra edilməklə 6 milyard 714 milyon manat təşkil etmişdir ki, bu da əvvəlki illərlə müqayisədə ilk dəfə olaraq 147,1 milyon manat olmaqla dövlət büdcəsində profisitin qeydə alınması deməkdir.

2023-ci ilin birinci rübündə dövlət büdcəsinin gəlirləri 8 milyard 290 milyon manat, xərcləri 6 milyard 566,9 milyon manat olmuş, 1 milyard 723,1 milyon manat məbləğində dövlət büdcəsinin artıqlığı (profisit) yaranmışdır ki, bu da 2022-ci ilin müvafiq dövrü ilə müqayisədə 343 milyon manat və ya 24,9 faiz çoxdur.

2023-cü ilin I rübü üzrə dövlət büdcəsinin gəlirləri 7 milyard 908,8 milyon manat proqnoza qarşı 8 milyard 290 milyon manat təşkil etmişdir ki, bu da proqnozla müqayisədə 381,2 milyon manat və ya 4,8 faiz, 2022-ci ilin müvafiq dövrü ilə müqayisədə isə 18,3 faiz və ya 1 milyard 280,4 milyon manat çoxdur.

Azərbaycan Respublikasının Dövlət Neft Fondundan dövlət büdcəsinə proqnozla nəzərdə tutulan 2 milyard 820 milyon manat məbləğində transfertə qarşı 1 milyard 576,0 milyon manat məbləğində transfert daxil olmuşdur. Hesabat dövründə vergi və gömrük orqanlarının xətti ilə dövlət büdcəsinə daxil olmalarda müşahidə olunan müsbət dinamika Azərbaycan Respublikasının Dövlət Neft Fondundan dövlət büdcəsinə nəzərdə tutulan transfertdən 1 milyard 244 milyon manat və ya 44,1 faiz az istifadə olunmasına imkan vermişdir.

Həmçinin oxu

İcmal və dövlət büdcələrinin icrasına dair operativ məlumatlar açıqlandı

17.04.2023 18:53

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az