“Huner Group” və “Turan Tovuz” müqavilə imzaladı - FOTOLAR

“Huner Group” və “Turan Tovuz” müqavilə imzaladı - FOTOLAR

"Huner Group"un təsisçisi Ehtiram Quliyev: İnanırıq ki, bu əməkdaşlıq hər iki tərəf üçün uğurlu olacaq, komandamız tezliklə öz şanlı tarixi günlərinə geri qayıdacaq və ölkəmizi beynəlxalq arenalarda layiqincə təmsil edəcək”.

“Huner Group” və “Turan Tovuz” müqavilə imzaladı - FOTOLAR

“Turan Tovuz” PFK ilə “Huner Group” arasında tərəfdaşlıq haqqında müqavilə imzalanıb.

Belə ki, ölkənin inşaat sektorunda qabaqcıl şirkətlərdən hesab olunan “Huner Group” şirkəti “Turan Tovuz” PFK-nın baş sponsoru qismində çıxış edəcək.

VTB-də minimal faiz dərəcəsi ilə nağd kredit 9.9%-dən

Fevralın 11-də Tovuz şəhər stadionunda Futbolun İnkişaf Fondunun (FİF) vasitəçiliyi ilə baş tutan tərəfdaşlıq müqaviləsini “Turan Tovuz” futbol klubunun İdarə Heyətinin sədri Rəşid Məhərrəmov və "Huner Group"un təsisçisi Ehtiram Quliyev imzalayıblar.

Tədbirdə FİF-in icraçı direktoru Tural Piriyev, klubun İdarə Heyətinin üzvləri, əməkdaşları və media nümayəndələri iştirak ediblər. İmzalanma mərasimindən sonra media nümayəndələrinin sualları cavablandırılıb. Bu əməkdaşlıqdan məmnunluğunu dilə gətirən Ehtiram Quliyev bildirib:

“Ölkəmizdə, xüsusilə də bölgələrdə futbolun inkişafına töhfə qatmaq bizim üçün qürurvericidir. İnanırıq ki, bu əməkdaşlıq hər iki tərəf üçün uğurlu olacaq, komandamız tezliklə öz şanlı tarixi günlərinə geri qayıdacaq və ölkəmizi beynəlxalq arenalarda layiqincə təmsil edəcək”.

Qeyd edək ki, xidmət göstərdiyi sahələrdə uğurlu nəticələr əldə edən Huner Group özünəməxsus tərzi, fərqli yanaşması və yaradıcı həll təklifləri ilə bugünədək müxtəlif layihələr həyata keçirib. Biznesin fərqli sahələrində xidmət göstərən şirkətlər qrupunun əsas fəaliyyət istiqaməti inşaatdır. "Huner Group" Azərbaycanın ən böyük şəhərsalma layihələrindən biri hesab edilən Bakı Ağ Şəhərdə bir-birindən fərqli dörd yaşayış kompleksini uğurla inşa edib. Şirkət yaratdığı etibarlı və nüfuzlu marka dəyərini qoruyaraq iqtisadiyyatın və sahibkarlığın inkişafında daha böyük miqyaslı işlərə imza atmağı hədəfləyir.