Rusiya neft hasilatını könüllü olaraq azaldacaq

Rusiya neft hasilatını könüllü olaraq azaldacaq

Rusiya Federasiyası baş nazirinin müavini Aleksandr Novak qeyd edib ki, ölkə “qiymət tavanı” tərəfdarlarına neft satmayacaq.

Rusiya neft hasilatını könüllü olaraq azaldacaq

Rusiya mart ayında neft hasilatını könüllü olaraq gündəlik 500 min barel azaltmağı planlaşdırır.

Marja xəbər verir ki, bu barədə jurnalistlərə Rusiya Federasiyası Baş nazirinin müavini Aleksandr Novak məlumat verib.

“Bu gün biz hasil edilən neftin bütün həcmini tam satırıq, lakin əvvəllər deyildiyi kimi, biz birbaşa və ya dolayısı ilə “qiymət tavanı” prinsiplərinə əməl edənlərə neft satmayacağıq”, - deyə o bildirib.

"Bununla əlaqədar, Rusiya mart ayında könüllü olaraq hasilatı gündəlik 500 min barel azaldacaq. Bu, bazar münasibətlərinin bərpasına kömək edəcək", - Novak əlavə edib.

Baş nazirin müavini qeyd edib ki, “qiymət tavanı” mexanizmi dünyada digər sənaye sahələrində neft və məhsul qıtlığına təsir göstərə bilər.

“Gələcəkdə bu, nəinki neft sektoruna investisiyaların azalmasına və müvafiq olaraq, gələcəkdə neft qıtlığına səbəb ola bilər, həm də oxşar nəticələr ilə dünya iqtisadiyyatının digər sektorlarına da yayıla bilər”, - Novak bildirib.

"Rusiya hesab edir ki, Rusiya neftinin və neft məhsullarının satışında “qiymət tavanı” mexanizmi bazar münasibətlərinə müdaxilə və kollektiv Qərb ölkələrinin dağıdıcı enerji siyasətinin davamıdır", - deyə o əlavə edib.

Novakın bəyanatından sonra Brent markalı neftin qiyməti artıb

Londonun ICE birjasında 2023-cü ilin aprel ayında çatdırılacaq Brent markalı neft fyuçerslərinin qiyməti 2%-ə yaxın artıb.

Marja.az xəbər verir ki, neftin qiyməti Rusiya baş nazirinin müavini Aleksandr Novakın Rusiyanın mart ayında könüllü olaraq neft hasilatını gündəlik 500 min barel azaltmağı planlaşdırması ilə bağlı bəyanatı fonunda qalxıb.

Bakı vaxtı ilə saat 12:44-ə olan məlumata görə, Brent markalı neftin qiyməti 1,9% artaraq 1 barelə görə 86,07 dollar olub.

10.02.2023 12:50

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az