2022-ci ilin yanvar-dekabr aylarında Gəncə şəhərində  pərakəndə  ticarət dövriyyəsi haqqında  məlumatlar açıqlanıb.

Gəncə Şəhər Statistika İdarəsindən Marja-ya daxil olan məlumata görə, 2022-ci ilin yanvar-dekabr aylarında pərakəndə ticarət şəbəkəsində  istehlakcılara 1 milyard 357 milyon 562,9 min manatlıq, o cümlədən  581 milyon 111,1 min manatlıq ərzaq məhsulları,içkilər və tutun məmulatları, 776 milyon 451,8  min manatlıq qeyri-ərzaq malları satılmışdır. 2021-ci ilin yanvar-dekabr ayları ilə müqayisədə pərakəndə ticarət dövriyyəsi real ifadədə 1,3 faiz, o cümlədən ərzaq məhsulları, içkilər və tütün məmulatları üzrə 42,5 faiz azalmş qeyri-ərzaq malları üzrə isə 2,2 dəfə artmışdır.

 2022-ci ilin yanvar-dekabr aylarında istehlak mallarının dəyər ifadəsində 23,7 faizi ticarət müəssisələri 59,6 faizi fərdi sahibkarlar tərəfindən 16,7 faizi isə bazar və yarmarkalarda satılmışdır.

 2021-ci ilin yanvar-dekabr ayları ilə müqayisədə  pərakəndə ticarət dövriyyəsi real ifadədə müəssisələr üzrə 32,9 faiz artmış, fərdi sahibkarlar üzrə 7,7 faiz azalmış, bazar və yarmarkalarda isə 2,4 faiz artmışdır.

Hesabat dövründə ticarət şəbəkəsindən hər bir şəhər sakini orta hesabla ayda 316,1 manatlıq, o cümlədən 135,3 manatlıq ərzaq məhsulları, içkilər və tutun məmulatları, 180,8  manatlıq qeyri-ərzaq malları almışdır. 

İctimai iaşə dövriyyəsi və ödənişli xidmətlər haqqında

Gəncə şəhərində 2022-ci ilin yanvar-dekabr aylarında ictimai iaşə dövriyyəsinin həcmi əvvəlki ilin eyni dövrü ilə müqayisədə 37,0 faiz artaraq 32 milyon 842,1 min manat təşkil etmiş, dövriyyənin 32 milyon 731,8 min manatı (99,7 faizi) fiziki şəxslərin hesabına təmin olunmuşdur.

2022-ci ilin yanvar-dekabr aylarında əhaliyə göstərilən ödənişli xidmətlərin dəyəri 2021-ci ilin müvafiq dövrünə nisbətən real ifadədə 8,0 faiz artaraq 358 milyon 553,4 min manat təşkil etmişdir. Hüquqi şəxslər tərəfindən əhaliyə 92 milyon 871,3 min manatlıq xidmət göstərilmiş və xidmətlərin ümumi dəyərinin 25,9 faizini təşkil etmişdir. Ödənişli xidmətlərin 18,5 faizi dövlət, 81,5 faizi isə qeyri-dövlət mülkiyyətindən ibarət olmuşdur.

Yanvar-dekabr aylarında əhalinin hər bir nəfəri orta hesabla 132,1 manatlıq və müxtəlif ödənişli xidmətlərdən istifadə etmişdir.