Dolların qiyməti 9 aylıq minimuma enib - AVRO DAHA DA BAHALAŞDI

Dolların qiyməti 9 aylıq minimuma enib - AVRO DAHA DA BAHALAŞDI

Dolların qiyməti 9 aylıq minimuma enib - AVRO DAHA DA BAHALAŞDI

ABŞ dolları əsas valyutalardan ibarət "səbətə" qarşı doqquz ayın ən aşağı səviyyəsinə düşüb.

Marja xəbər verir ki, ABŞ Federal Ehtiyat Sistemi (FED) faiz dərəcələrini yüksəltmək öhdəliyini təkrarladıqdan sonra belə, bazarlar gələcəkdə iqtisadi "küləklərin" bankı faiz artırmağı dayandırmağa məcbur edəcəyini düşünürlər.

VTB-də yüksək depozit faizləri daha çox qazandırır

Dollar indeksi Çərşənbə günü Fed-in faiz qərarından sonra 1%-dən çox düşərək 100,85 bənd olub. Bu, 2022-ci ilin aprelindən bəri ən aşağı səviyyədir.

Dünən ABŞ Mərkəzi Bankı faiz dərəcələrini daha kiçik, 0,25 faiz bəndi artırıb və inflyasiyanın aşağı salınması istiqamətində daha bir sərt qərar qəbul edib. Lakin FED sədri Jerome Powell, ölkədə inflyasiyanın hələ də yüksək olaraq qaldığını və qiymət təzyiqlərini sovuşdurmaq üçün bankın faizləri daha nə qədər artırmalı olacağına əmin olmadığını söyləyib.

Bazarlar isə FED-in faizlərinin pik səviyyəyə yaxınlaşdığına inanırlar və mərkəzi bankın ilin ikinci yarısında faiz azaldacağını gözləyirlər.

FED-in hələ də mart ayında faizlərini daha 0,25 bənd artıracağı gözlənilsə də, daha sonra FED-in faiz artırmalarını dayandıracağı, ilin ikinci yarısında isə aşağı salacağını gözlənilir.

Bloomberg xəbər verir ki, treyderlər ilin ikinci yarısında faiz dərəcələrində ən azı 0,50 bənd azalma olacağını ehtimal edirlər.

FED-in 2023-cü ildə faiz azaldacağı potensialı Dolların məzənnəsini təzyiq altında saxlayır. Avro/Dollar məzənnəsi 1.10 səviyyəsini də keçərək 1.1033 avronu görüb (Dollar ucuzlaşıb, Avro bahalaşıb).

Bu gün həm Avropa Mərkəzi Bankının, həm də İngiltərə Mərkəzi Bankının faiz dərəcələrini 0,50 faiz bəndi artıracağı və əlavə artım siqnalı verəcəyi gözlənilir.

Xəbər verdiyimiz kimi, 1 fevral 2023-cü il tarixində FED faiz dərəcələrini 0,25 faiz bəndi artıraraq 4,50% - 4,75% aralığına çatdırıb.

HƏMÇİNİN OXU: ABŞ Mərkəzi Bankı faiz qərarını açıqladı - FED sürətini azaldır

02.02.2023 08:27

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az