Azərbaycan Respublikası Dövlət Kontrakt Korporasiyası (“Azərkontrakt”ASC)2021-ci ili 83 milyon 496 min manat xalis mənfəət ilə başa vurub.

Marja.az “Azərkontrakt” Açıq Səhmdar Cəmiyyətinin 2021-ci il üzrə Maliyyə Hesabatları və Auditor Rəyi barədə məlumatlara xəbər verir ki, ötən il ASC-nin təbii qazın satışından əldə etdiyi gəlirlər 1 milyard 200 milyon manat, təbii qazın nəqlindən əldə etdiyi gəlirlər 25 milyon 623 min manat təşkil edib.

31 Dekabr 2021-ci il tarixində “Azərkontrakt” 358 milyon 377 min manat cəmi aktivlərə malik olub. Şirkət 2020-ci ilin sonunda 45 min 351 manat cəmi aktivlərə malik idi.

Dövlət Kontrakt Korporasiyası “Azərkontrakt” Səhmdar Cəmiyyəti Azərbaycan Respublikası Prezidentinin 1996-cı il 17 dekabr tarixli 519 nömrəli Fərmanı ilə səhmləri 100% dövlətə məxsis olmaqla, keçmiş Material Ehtiyatları Nazirliyinin və Ticarət Nazirliyinin əsasında yaradılmışdır.

Səhmdar Cəmiyyətin əsas vəzifələri aşağıdakılardan ibarətdir:

-Azərbaycan Respublikasının dövlət ehtiyaclarının, strateji əhəmiyyətli istehsal və tikinti proqramlarının maddi-texniki təminatı, bu sahədə dövlətlərarası təsərrüfat əlaqələrinin təşkili;

-məhsulların alınması və satılması üzrə birbaşa münasibətlərin inkişafinda mülkiyyət formasından asılı olmayaraq respublikaının müəssisə və təşkilatlarına köməklik edilməsi;

-Azərbaycan Respublikasının daxili istehlak bazarının istehsal-texniki təyinatlı məhsulları və əsas xalq istehlakı mallarına olan tələbatının öyrənilməsi və mərkəzi icra hakimiyyəti orqanlarına tövsiyələr verilməsi;

-xammal və materiallarla təmin etməklə sənayenin inkişafı və istehsalın səmərəliliyinin yüksəldilməsinə kömək edilməsi, bu məqsədlə həmçinin xarici investisiyaların, bank kreditlərinin və digər maliyyə ehtiyatlarının cəlb edilməsi;

-mülkiyyət formasından asılı olmayaraq müəssisə və təşkilatlara, habelə əhaliyə marketinq, nəqliyyat, kirayə, lizinq, informasiya və s. xidmətlərinin göstərilməsi;