FED faizin daha da artırılmasını məqsədəuyğun hesab edir

FED faizin daha da artırılmasını məqsədəuyğun hesab edir

Cerom Pauel: FED ölkədə faizin daha da artırılmasını məqsədəuyğun hesab edir

FED faizin daha da artırılmasını məqsədəuyğun hesab edir

ABŞ Federal Ehtiyat Sistemi (mərkəzi bank, FED) ölkədə faiz dərəcələrinin daha da artırılmasını və “məhdudlaşdırıcı” pul siyasətini “müəyyən müddətə” saxlamağı məqsədəuyğun hesab edir.

Marja xəbər verir ki, bunu dünən keçirdiyi mətbuat konfransında FED sədri Cerom Pauel bildirib.

VTB-də minimal faiz dərəcəsi ilə nağd kredit 10.49%-dən

Çərşənbə günü FED faizlərini 50 baza bəndi artıraraq illik 4,25-4,5% səviyyəsinə qaldırıb.

"Biz inflyasiyanın 2%-ə qaytarılması üçün kifayət qədər məhdudlaşdırıcı olan pul siyasəti mühitinə nail olmaq üçün əlavə artımların məqsədəuyğun olacağına inanmağa davam edirik", - Pauell mətbuat konfransında deyib.

"Qiymət sabitliyinin bərpası çox güman ki, bir müddət məhdudlaşdırıcı siyasətin saxlanmasını tələb edəcək" ,- o əlavə edib.

Əvvəllər FED faizlərini bir neçə dəfə 75 baza bəndi artırıb, lakin ABŞ-da inflyasiyanın yavaşlaması fonunda mülayim tədbirlərə keçib.

FED, koronavirus pandemiyasının ağır iqtisadi nəticələrinə cavab olaraq 2020-ci ildə faizini 0 - 0,25%-ə qədər endirmişdi. İnflyasiyanın sürətlə yüksəlməsi ilə əlaqədar olaraq, FED, 2018-ci ilin dekabrından bəri ilk dəfə olaraq Martın 16-da uçot dərəcəsini artırdı.

İnflyasiyanın aşağıya doğru meylinin daha aydın görünməsi ilə, FED daha yavaş faiz artırmağa keçib. ABŞ-da istehlak qiymətləri indeksi (inflyasiya göstəricisi) 2022-ci ilin noyabr ayında 2021-ci ilin noyabr ayı ilə müqayisədə 7,1% artıb. Bir ay əvvəl bu rəqəm 7,7% idi. Proqnoz isə 7,3% təşkil edirdi. Beləliklə, noyabrda ABŞ-da illik inflyasiya gözlənildiyindən daha çox yavaşlayıb. Çünki enerji qiymətlərinin düşməsi artan ərzaq qiymətlərini kompensasiya edib. Aylıq inflyasiya da gözləniləndən az olub və oktyabrdakı 0,4%-ə qarşı noyabrda 0,1% təşkil edib.

İnvestorlar üçün ölkədə istehlak qiymətlərinin artım tempi FED-in gələcək fəaliyyəti ilə bağlı əsas müəyyənedici amillərdən biridir.

15.12.2022 08:08