Keçi biznesi sərfəlidir? - REPORTAJ
İsmayıllının Kürd Eldarbəyli kəndinin sakini keçi biznesini böyütmək istəyir.
İsmayıllının rayon mərkəzindən xeyli aralıda yerləşən Kürd Eldarbəyli kəndinin sakinləri əsasən xırdabuynuzlu heyvan təsərrüfatı ilə məşğuldurlar. Heyvandarlığı atalarından miras alan kənd sakinləri əvvəllər üstünlüyü qoyunçuluğa versələr də, son dövrlər keçinin daha mənfəətli olduğunu düşünərək, təsərrüfatda daha böyük yeri bu heyvanlara ayırırlar.
Uzun illərdir dolanışığını heyvandarlıqla təmin edən kənd sakini Mehman Soltanov əməkdaşı ilə söhbətində artıq 7-8 ildir keçi təsərrüfatı yaratdığını deyir.
“Məndən ancaq keçi pendiri istəyirlər”
Əvvəllər qoyunçuluqla məşğul olduğuna diqqət çəkən fermer həm kəndin relyef quruluşuna, həm də keçinin məhsuldarlığına görə bu təsərrüfatın daha qənaətbəxş olduğu fikrindədir. Onun sözlərinə görə, qazancında qoyunla müqayisədə fərq olmasa da, keçinin ətinə, südünə, həm də pendirinə tələbat daha böyükdür.
Mehman Soltanov: “Keçilər dağlıq ərazidə daha yaxşı yetişdiyinə görə ətindən də, südündən də qazanc götürmək olur. Bu heyvanlarda aprelin sonunda sağıma başlanılır, sentyabra qədər davam edir. Hər keçidən 1 litrdən çox süd sağırıq. 5-6 litr süddən isə 1 kiloqram pendir alınır. Qoyun saxladığım vaxtlar da olub. Ancaq qoyun pendirinə elə də üstünlük vermirlər. Məndən ancaq keçi pendiri istəyirlər. Onu da deyim ki, qoyunun sağım müddəti azdır. Qırxılandan sonra uzağı 1 ay süd verir. Ən çox yarım litr süd sağırıq. Ancaq keçi 1 litrə yaxın süd verir”.
Tələbat böyük olduğuna görə keçi pendiri satmaq daha çox qazanclıdır. Mövsümü olanda 8 manata olan keçi pendiri 12 manata qədər bahalaşır.
Bu heyvanlar bruselyoz xəstəliyinə tez yoluxur
Müsahibimiz onu da vurğulayır ki, keçinin iç piyindən, ətindən, südündən dərman vasitəsi kimi istifadə edənlər də az deyil. Lakin bu heyvanları xəstəlikdən qorumaq çətindir. Belə ki, keçilər brüsselyoz xəstəliyinə tez yoluxan heyvanlardandır.
“Brüsselyozdan qorumaq üçün həkimə müraciət edirik. Həkim heyvana iynə vurur, göz dərmanı tökür. Həmin dərman da bir neçə xəstəlikdən qoruyur. Həmçinin qanın analizini də edirik. Bu heyvanla həm özümüz qidalanır, həm də satırıq. Ona görə də vaxtında profilaktik tədbirlər görürük”, - deyə Mehman Soltanov bildirir.
“Təzyiqi olan insanların keçi ətinə tələbatı böyükdür”
Onun sözlərinə görə, qoyun keçiyə baxanda daha bahadır. 200-300 manata başa gələn qoyunun quzusu da bazara 150-200 manata çıxarılır. Ancaq ildə iki dəfə bala vermə potensialı olan, aylarla südü sağılan keçinin ümumi qazancı ilə arada demək olar ki, fərq olmur: “Yaşadığımız yer dərə-təpə, kol-kosluq sahədir. Keçi burada daha yaxşı qidalanır. Qoyun çox hərəkət edən heyvan deyil, gərək, düzən yerdə otlaya. Amma keçi dağlıq ərazilərdə daha yaxşı qidalanır. Həmçinin, keçi əti qoyun ətindən bir-iki manat ucuzdur və alıcısı da çox olur. Xüsusən də təzyiqi olan insanların keçi ətinə tələbatı böyükdür”.
Keçilər isti havalara nə qədər dözümlü olsalar da, soyuq qış aylarına bir o qədər də tab gətirə bilmir.
Təsərrüfat sahibi bu heyvanların təmiz qidalandığını vurğulayır. Bildirir ki, ağacların budaqlarındakı yarpaqları, eləcə də qoxu gəlməyən otu yeyən keçilər heç vaxt çirkli gölməçədən su içməz. İnəklər, qoyunlar, eləcə də camışlarla müqayisədə keçilərin daha çox otladığı yerlər meşələr, dağlar, qayalıq ərazilərdir. Xüsusilə payız ayları keçilər üçün daha əlverişlidir. Belə ki, ağaclarda olan yarpaqlar və meyvələr yerə töküldüyündən keçilər onları asanlıqla yeyə bilir.
Keçi biznesini böyütmək istəyən Mehman Soltanov təsərrüfatını sadəcə yerli cins heyvanlarla məhdudlaşdırmaq fikrində deyil. Artıq türk və ərəb keçilərinin təkələrini alan fermer yaxın gələcəkdə təsərrüfatını tamamilə südvermə qabiliyyəti yüksək olan bu cins heyvanlara çevirəcək.
İllik 13.99%-dən 40 000 AZN-dək zaminsiz komissiyasız kredit!
© Azərtac
Müştərilərin xəbərləri

300-ə yaxın yerli şirkətin sərgisi keçiriləcək - Dövlət dəstəyilə məhsul və xidmətləri təqdim etmək imkanı
SON XƏBƏRLƏR
-
5 saat əvvəl
Birjadan BOKT "International” ASC-nin istiqrazları barədə qərar
- 5 saat əvvəl
- 5 saat əvvəl
-
📲 İndi
Marja.az-ın WhatsApp kanalına qoşulun və xəbərlər cibinizə gəlsin.
♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az -
5 saat əvvəl
Vəfa Musayevə Birbank-ın dəstəyi ilə bayrağımızı Everest zirvəsinə sancdı
-
5 saat əvvəl
ADY nümayəndələri Çinin Sian və Çendu limanlarının fəaliyyəti ilə tanış olublar
- 6 saat əvvəl
-
6 saat əvvəl
Azərbaycanın aparıcı distribütor şirkəti Rusiya istehsalçısı ilə müqavilə imzalayıb
-
6 saat əvvəl
"Kredit Evi"nin istiqrazlarına 50 investor 50 sifariş təqdim edib
-
6 saat əvvəl
"İnternational Leasing"in istiqrazlarına 50 investordan 50 sifariş
-
7 saat əvvəl
Azərbaycanda reklamla bağlı bir sıra dəyişikliklər qüvvəyə minib
-
7 saat əvvəl
AFB Bank-dan Mikro və Aqro sahibkarlara xüsusi dəstək krediti
-
8 saat əvvəl
"PAŞA Bank" manat və dollar ilə böyük məbləğlərdə istiqraz buraxır
Marja.az-ın WhatsApp kanalına qoşulun və xəbərlər cibinizə gəlsin.
♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az
Son Xəbərlər

Birjadan BOKT "International” ASC-nin istiqrazları barədə qərar

Azərbaycanda internet sürətinin inkişaf etmiş ölkələr səviyyəsinə çatdırılması üçün tədbirlər görüləcək

Mikayıl Cabbarova daha bir vəzifə verildi

Azərbaycanın aparıcı distribütor şirkəti Rusiya istehsalçısı ilə müqavilə imzalayıb

"İnternational Leasing"in istiqrazlarına 50 investordan 50 sifariş

Azərbaycanda reklamla bağlı bir sıra dəyişikliklər qüvvəyə minib
Ən çox oxunanlar

AFB Bank-dan Mikro və Aqro sahibkarlara xüsusi dəstək krediti

"PAŞA Bank" manat və dollar ilə böyük məbləğlərdə istiqraz buraxır

Dağıstan nümayəndə heyəti Sumqayıt Kimya Sənaye Parkında olub

Müdafiə Sənayesi Nazirliyinə məxsus şirkətin rəhbəri dəyişib

Azərbaycanda regional maliyyə idarələri yaradılıb

Qazaxıstanda aparıcı bankların CEO-larının 40 %-i qadınlardır

“Azərbaycan Dəmir Yolları”na yeni sədr müavini təyinatı

BVF: Azərbaycanın Mərkəzi Bankı maliyyə sabitliyinin qorunmasında mühüm rol oynayır
