Orta qiymət kateqoriyalı məşhur otel brendi Azərbaycan bazarına daxil olur

Orta qiymət kateqoriyalı məşhur otel brendi Azərbaycan bazarına daxil olur

Orta qiymət kateqoriyalı məşhur otel brendi Azərbaycan bazarına daxil olur

2023-cü ildə Bakıda “Mercure” brendi ilə ilk otelin açılışı planlaşdırılır.

Marja xəbər verir ki, bu barədə “Accor” qrupundan məlumat verilib.

“Mercure” oteli “Mogan Hotel Baku” otelinin rebrendinqi nəticəsində 2023-cü ildə Bakıda açılacaq.

"“Mercure” - beynəlxalq şəbəkənin gücünü və yerləşdiyi bölgənin xüsusiyyətlərini, onun mədəniyyətini və ənənələrini özündə birləşdirən orta qiymət kateqoriyalı məşhur brenddir”, - “Accor”dan qeyd ediblər.

Şirkətdən məlumat verilib ki, oteldə 140 rahat otaq, həmçinin restoran və bar, müasir fitnes zalı və hovuzlu SPA mərkəzi, yuxarı mərtəbədə hamam və sauna olacaq.

Yeni “Mercure Baku” oteli İnşaatçılar prospektində yerləşəcək.

““Mercure”nin Azərbaycanda premyerası barədə məlumat verməkdən şadıq. Bakı işgüzar səyyahların və turistlərin cəlb edilməsi üçün böyük potensiala malikdir. İnkişaf etmiş infrastruktur yumşaq iqlim və bənzərsiz mədəni irs, zəngin tarixi abidələrlə birlikdə paytaxtı dünyanın hər yerindən gələn qonaqların cazibə mərkəzinə çevirir. Əminəm ki, “Mercure Baku” onların gözləntilərinə cavab verəcək və yenidən buraya qayıtmaq üçün daha bir səbəb olacaq”, - “Accor New East Europe”un baş direktoru Aleksis Delaroff bildirib.

“Mogan Hotel Baku” oteli 2019-cu ilin sonundan etibarən Bakıda fəaliyyət göstərir.

“Accor” – 110 ölkədə 5300 oteli və 10000 restotranı birləşdirən dünyanın aparıcı otel qrupudur.

Öncə “Accor New East Europe”un baş direktoru Aleksis Delaroff müsahibəsində bildirmişdi ki, “Accor” qrupu yaxın illərdə Azərbaycanda yeni otel brendlərinin açılması istiqamətində bir sıra yeni layihələr həyata keçirməyi planlaşdırır.

“Hazırda Azərbaycandakı portfelimizə iki otel daxildir: məşhur “Alov qüllələri” kompleksində yerləşən “Fairmont Baku” və 2021-ci ilin yayında açılmış ekonom sinifli “ibis Baku City” oteli. Yaxın vaxtlarda biz Azərbaycanda digər otel brendlərini də təmsil etməyi planlaşdırırıq”,- o bildirmişdi.

İllik 13.99%-dən 40 000 AZN-dək zaminsiz komissiyasız kredit!

“İnterfaks-Azərbaycan”

11.11.2022 10:03

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az