InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.

EUR

EUR/USD məzənnəsi keçən həftə 1.1445$-a kimi 2.5% bahalaşaraq, son 14 ayın maksimum səviyyəsini yeniləyib. Cari həftənin ilk sessiyasında avro/dollar valyuta cütlüyünün qiyməti qismən korreksiya etsə də, 1.14$-ın üzərində ticarət edilməkdədir və bu səviyyənin üzərində qaldıqca, 1.1480, 1.1540 və 1.1600$-a kimi də bahalaşa bilər. Dünya birjalarında Amerika Mərkəzi Bankının (Fed) növbəti faiz artımı üzrə gözləntilərin azalması, dolların aparıcı valyutalara nisbətən qiymətlərinə də təzyiq etməkdədir.

Bu həftə maliyyə bazarlarında investorların diqqət mərkəzində olan önəmli fundamental məlumatlar isə çərşənbə günü Bakı vaxtı ilə saat 22:00-da yayımlanacaq, FED-in toplantı protokolu və cümə günü saat 16:30-da açıqlanacaq ABŞ-ın əmək bazarı ilə bağlı statistik göstəricilərdir.

GBP

GBP/USD valyuta cütlüyünün qiyməti də 1.30$-a kimi bahalaşıb və gələcək günlər ərzində 1.30$ ətrafında ticarət ediləcəyi proqnozlaşdırılır. Bununla yanaşı, Avropa Birliyi ilə İngiltərə arasında BREKSİT danışıqlarının nəticələri də böyük maraqla gözlənilir.

TRY

Türkiyə maliyyə bazarlarında Türk lirəsi qiymətinin isə 3.50 və 3.48TL-ə kimi bahalaşa biləcəyi proqnozlaşdırılır. Türkiyədə inflyasiyanın cari il ərzində 12%-ə kimi artması fonunda maliyyə bazarlarında Türkiyə Mərkəzi Bankının siyasətini sərtləşdirə biləcəyi gözləntiləri, Türk lirəsinin daha da bahalaşa biləcəyini gözləməyə əsas verir. Bazar ertəsi Bakı vaxtı ilə saat 11:00-da açıqlanacaq, Türkiyənin iyun ayı üzrə inflyasiya səviyyəsi də investorların diqqət mərkəzindədir.

OIL

Enerji bazarlarında isə Avropanın Brent markalı neftinin bir barel qiyməti gözlənildiyi kimi 49$-a kimi bahalaşıb. Dünya iqtisadiyyatında aktivliyin iyun ayında artması, neftə olan tələbin də artmasına təsir edir. Beləliklə, qiymətin gələcək günlər ərzində 46$ üzərində ticarət ediləcəyi və 51$-a kimi də bahalaşa biləcəyi proqnozlaşdırılır.

GOLD

Dünya birjalarında dolların aparıcı valyutalara nisbətən orta qiymətinin son 9 ayın minimum səviyyəsinə kimi ucuzlaşması, əlvan metallar bazarlarında qızıl qiymətlərinin də bahalaşa biləcəyini proqnozlaşdırmağa əsas verir. 1237$-ın (39.7$/qram) üzərində ticarət edilən qızılın bir unsiya üzrə qiyməti 1256$ (40.3 $/qram) kimi də bahalaşa bilər.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

“İnvest-AZ İnvestisiya Şirkəti” QSC-nin Analitika Departamenti

“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikası Maliyyə Bazarlarına Nəzarət Palatası tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.

Risk bildirişi.

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.