Meyvə və tərəvəz istehsalçıları nazir ilə "prosedurların sadələşdirilməsini və asanlaşdırılmasını" müzakirə ediblər

Meyvə və tərəvəz istehsalçıları nazir ilə "prosedurların sadələşdirilməsini və asanlaşdırılmasını" müzakirə ediblər

Aqrar Kredit və İnkişaf Agentliyi tərəfindən sahibkarlara verilən kredit limitlərinin və şərtlərinin optimallaşdırılması məsələləri də müzakirə edilib.

Meyvə və tərəvəz istehsalçıları nazir ilə "prosedurların sadələşdirilməsini və asanlaşdırılmasını" müzakirə ediblər

Kənd Təsərrüfatı Nazirliyində Meyvə və Tərəvəz İstehsalçıları və İxracatçıları Assosiasiyasının üzvləri ilə görüş keçirilib

Kənd Təsərrüfatı Nazirliyində Meyvə və Tərəvəz İstehsalçıları və İxracatçıları Assosiasiyasının üzvləri ilə görüş keçirilib. Görüşdə ölkədə meyvə və tərəvəz istehsalının mövcud vəziyyəti, məhsul ixracı, tərəvəz toxumçuluğu, tingçilik, bu sahədə tətbiq olunan innovativ yeniliklər ətrafında geniş fikir mübadiləsi aparılıb.

Tədbirdə çıxış edən kənd təsərrüfatı naziri İnam Kərimov bildirib ki,ö lkəmizdə müasir istixanaların qurulması ilboyu tərəvəz yetişdirilməsini təmin etmiş olur. Meyvəçilik və tərəvəzçiliyin inkişafına marağın artmasının digər səbəbi bu sahənin gəlirlilik baxımından müqayisəli üstünlüyə malik olmasıdır.

Assosiasiya üzvləri tərəvəz toxumçuluğunun və tingçiliyin inkişaf etdirilməsi istiqamətində elmi-tədqiqat institutlarının apardığı işi müsbət qiymətləndirib, yerli toxum və ting istehsalının artmasının meyvə və tərəvəz istehsalında maya dəyərinin aşağı salınmasına təsir göstərdiyini vurğulayıblar.

Görüşdə beynəlxalq bazarlarda rəqabət qabiliyyətinin yüksəldilməsi perspektivləri, kənd təsərrüfatı təyinatlı torpaqlarda əsaslı tikinti və soyuducu anbarların inşası üçün müvafiq icazələrin verilməsi prosedurlarında sadələşdirmələrin aparılması, məhsul ixracının sertifikatlaşdırılması prosedurunun asanlaşdırılması, Aqrar Kredit və İnkişaf Agentliyi tərəfindən sahibkarlara verilən kredit limitlərinin və şərtlərinin optimallaşdırılması məsələləri müzakirə olunub.

05.11.2022 16:15

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az