"Fed faiz artırmağa fasilə verməlidir"

"Fed faiz artırmağa fasilə verməlidir"

Fed/Bullard: Sentyabr ayında balansı azaltmağa başlamaq üçün daha mümkündür

ABŞ Mərkəzi Bankının (Fed) Sankt-Luis şöbəsinin sədri Ceyms Bullard (James Bullard), bankın mövcud faiz nisbətinin aşağı iqtisadi artım və aşağı inflyasiya şərtləri üçün uyğun olduğunu deyib.

"Marja" xəbər verir ki, Bullard Londonda çıxışında, Fed-in faiz siyasətinə dair açıqlamalar verib.

Fed-in gələcəkdə gözlədiyi yüksək iqtisadi inkişaf proseslərinə indidən qarşılıq verməsi (tədbirlər görməsi, faiz artırması) lazım olmadığını qeyd edən Bullard, "İşsizlik səviyyəsi düşməyə davam etsə belə, hazırkı proqnozlar bunun inflyasiyaya qarşı təsirlərinin kiçik olacağına işarə edir" ifadəsini istifadə edib.

100 000 $ VİRTUAL PUL İLƏ FOREX-DƏ TİCARƏT ET, TƏCRÜBƏ QAZAN

Bullard, 4,3 faiz səviyyəsində işsizlik nisbətinin daha yüksək inflyasiya üçün yetərli göstərici olmadığını və tədqiqatların işsizlik nisbətinin 3,5%-ə düşməsinin də inflyasiyada böyük bir yüksəlişə sənən olmayacağını göstərdiyini bildirib.

Federal Açıq Bazar Komitəsinin (FOMC) faiz artırmağa fasilə verməsinin tərəfdarı olduğunu bildirən Bullard, "Fedin mövcud faiz nisbətinin aşağı iqtisadi artım və aşağı inflyasiya şərtləri üçün uyğun olduğunu" vurğulayıb.

Bullard, həmçinin Fed-in 4,5 trilyon dollarlıq balansını azaltmağa başlanmasının maliyyə bazarlarında əhəmiyyətli bir dalğalanma yaratmayacağını və mərhələli azaltma prosesinin ən az 5 ili davam edəcəyini sözlərinə əlavə edib.

Bullard, balansın azaldılmasının, Sədr Janet Yellenin mətbuat konfransı keçirdiyi bir FOMC toplantısından sonra başlaması lazım olduğunu söyləyib.

Bullard, "Sentyabr ayında balansı azaltmağa başlamaq İyul ayındakı FOMC iclasına nisbətən daha mümkündür" deyib.

Bullardın bu il FOMC iclaslarında səsvermə hüququ yoxdur.

100 000 $ VİRTUAL PUL İLƏ FOREX-DƏ TİCARƏT ET, TƏCRÜBƏ QAZAN

30.06.2017 05:44