2022-ci ildə Azərbaycanda ÜDM-in 4,2% artacaq.

Bunu Dünya Bankı (DB) çərşənbə axşamı dərc olunan Avropa və Mərkəzi Asiya regionu üzrə yenilənmiş iqtisadi icmalda proqnozlaşdırır.

Apreldə DB 2022-ci il üçün Azərbaycanda ÜDM-in artımını 2,7% səviyyəsində proqnozlaşdırmışdı.

O cümlədən, DB 2023-cü il üçün Azərbaycanda ÜDM-in artım proqnozunu 2,8%-dək (aprel proqnozu – 2,2%) və 2024-cü il üçün – 2,6% (aprel proqnozu – 2,3%) yaxşılaşdırıb.

“Qiymətləndirmələrimizə əsasən, 2022-ci ildə Azərbaycanda ÜDM-in real artımı 4,2%-ə, 2023-2024-cü illərdə - 2,7%-ə çatacaq. Ölkədə neft hasilatının bir qədər azalmasının təbii qaz hasilatının artması ilə kompensasiya olunacağı gözlənilir”, - DB qeyd edir.

DB-nin qiymətləndirmələrinə görə, 2022-ci ildə Azərbaycanda ASK məhsulları istehsalının artımı 1,1%, 2023-cü ildə - 2%, 2024-cü ildə - 2,2% təşkil edəcək.

2022-2024-cü illərdə sənaye sahəsində istehsalın artımı müvafiq olaraq 2,7%, 1,5% və 1,3% təşkil edəcək. Xidmətlər müvafiq olaraq 7,3%, 5% və 4,6% artacaq.

Bank cari ildə Azərbaycanda inflyasiyanı 12,5% səviyyəsində (aprel proqnozu – 9%), gələn il – 9,5% səviyyəsində (aprel proqnozu – 6,6%), 2024-cü ildə - 8% səviyyəsində (aprel proqnozu – 6%) proqnozlaşdırır.

“2023-2024-cü ildə inflyasiyanın azalması, eyni zamanda AMB-nin hədəf diapazonundan (4% +/- 2%) mühüm dərcədə yüksək qalması gözlənilir”, - DB vurğulayır.

DB-nin qiymətləndirmələrinə əsasən, enerji daşıcılarının yüksək qiymətləri Azərbaycana ortamüddətli perspektivdə iki rəqəmli tədiyə balansının cari əməliyyatlar hesabının pörofisitinə malik olmağa imkan yaradacaq: 2022-ci ildə - ÜDM-in 24,5%-i, 2023-cü ildə - ÜDM-in 16,7%-i, 2024-cü ildə - ÜDM-in 13,4%-i.

DB-də hesab edirlər ki, Azərbaycan iqtisadiyyatı üçün əlverişsiz risklər aşağıdakılardır: Ermənistanla hərbi toqquşmaların davamı və ya gərginləşməsi, Ukraynada uzanan münaqişə, əsas ticarət tərəfdaşlarında yavaşlama və inkişaf etmiş iqtisadiyyatı olan ölkələrdə pul sərtləşməsi.

Azərbaycan hökuməti 2022-ci ildə ÜDM-in artımnı 3,5% səviyyəsində, 2023-cü ildə - 2,7%, orta illik inflyasiyanı müvafiq olaraq – 12,5% və 6,9% səviyyəsində proqnozlaşdırır.

2021-ci ildə Azərbaycanda ÜDM-in artımı 5,6%, orta illik inflyasiya – 6,7% təşkil edib. 

İllik 13.99%-dən 40 000 AZN-dək zaminsiz komissiyasız kredit!

© “İnterfaks-Azərbaycan”