Sahibkarlar üçün 44 daxili bazar araşdırması aparılıb - SİYAHI

Sahibkarlar üçün 44 daxili bazar araşdırması aparılıb - SİYAHI

Sahibkarlar üçün 44 daxili bazar araşdırması aparılıb - SİYAHI

İndiyədək sahibkarların müraciəti əsasında 19 daxili bazar araşdırması aparılaraq nəticələr sahibkarlıq subyektlərinə təqdim edilib.

Sahibkarların müraciəti əsasında aparılan bazar araşdırmaları ilə yanaşı, Kiçik və Orta Biznesin İnkişafı Agentliyinin (KOBİA) təşəbbüsü ilə də daxili bazar araşdırmaları həyata keçirilir.

İndiyədək 25 belə daxili bazar araşdırması aparılaraq nəticələri KOBİA-nın saytında yerləşdirilib.

Hazırda sahibkarların müraciəti və KOBİA-nın təşəbbüsü ilə bir neçə istiqamətdə daxili bazar araşdırmaları aparılır və nəticələri aidiyyəti üzrə təqdim olunacaqdır.

Qeyd edək ki, KOBİA tərəfindən mikro, kiçik və orta biznes subyektlərinə daxili bazar araşdırmasının aparılması üçün informasiya və maliyyə dəstəyi göstərilir. Azərbaycan Respublikası Prezidentinin 29 may 2019-cu il tarixli Fərmanı ilə təsdiq olunmuş “Mikro, kiçik və orta sahibkarlıq subyektlərinin rəqabətqabiliyyətli istehsalının stimullaşdırılması məqsədilə daxili bazar araşdırmalarına dövlət dəstəyi göstərilməsi Qaydası”na uyğun olaraq, mikro sahibkarlıq subyektinin müraciəti əsasında aparılan hər bir daxili bazar araşdırmasına çəkilən xərcin 80%-i, kiçik sahibkarlıq subyektinin müraciəti ilə həyata keçirilən araşdırmaya çəkilən xərcin 50%-i dövlət tərəfindən qarşılanır. Ümumilikdə, hər bir daxili bazar araşdırmasının aparılmasına görə KOB subyektləri üçün 20 min manata qədər dəstək məbləği nəzərdə tutulur.

KOBİA-nın təşəbbüsü ilə aparılmış daxili bazar araşdırmaları:

Pambıq bitkisinin gövdəsindən mebel sənayesində lazım olan yarımfabrikat lövhələrin hazırlanması

Lifsiz pambıq toxumunun emalı müəssisəsinin yaradılması

Pambıq çiyidinin toxumundan, günəbaxan və qarğıdalı bitkilərindən qida üçün yağ məhsullarının hazırlanması müəssisəsinin yaradılması

Pomidor emalı müəssisələrinin yaradılması

Mühərriksiz kənd təsərrüfatı aqreqatlarının istehsal potensialının öyrənilməsi

Nar sousu istehsalı

Mini-Konserv istehsalı

Göbələk istehsalı

Fındıq əzməsi istehsalı

Şirniyyat halvalarının istehsalı

Nehrə yağlarının istehsalı

Səyyar qəhvə və yan məhsulların istehlakı

Meyvə qurularının və meyvə pürelərinin istehsalı

Bal və arıçılıq məhsulları istehsalı

Kimyəvi yuyucu vasitələrin istehsalı (paltar və qab üçün)

HORECA sahəsi üzrə şirniyyat ehtiyacları

Optik eynəklərin istehsalı

Boya istehsalı

Daşınar soyuducu anbarların istehsalı

Tekstil fabrikinin yaradılması

Məişət tullantıları konteynerlərinin istehsalı və satış imkanları

Reklam vasitələrinin yaradılması və effektivliyi

Avtokimya xidməti və məhsullarının istehsalı

Özəl və korporativ geyimlərin istehsalı

Minik və yük avtomobillərində yağdəyişmə xidmətləri

09.09.2022 13:51

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az