ABŞ-da inflyasiya zəifləyib

ABŞ-da inflyasiya zəifləyib

Fed-in kəskin faiz artırması və enerji qiymətlərinin düşməsi iyul ayında ABŞ-da inflyasiyanın zəifləməsinə səbəb olub. İyun ayında 9 faizi keçən və 40 illik rekordunu yeniləyən inflyasiya iyulda 8,5 faizə düşüb. Aylıq qiymətlərdə heç bir dəyişiklik olmayıb.

İyulda ABŞ-da illik inflyasiya (ötən ilin iyul ayı ilə müqayisədə) 8,5 faiz olaraq qeydə alınıb.

Marja.az xəbər verir ki, qiymətlərdə aylıq (iyulda iyun ayı ilə müqayisədə) heç bir dəyişiklik olmayıb. Benzinin ucuzlaşması ərzaq və mənzil qiymətlərinin artmasını kompensasiya edib.

VTB-də yüksək depozit faizləri daha çox qazandırır

Bloomberg-in sorğusunda iştirak edən iqtisadçılar illik inflyasiyanın 8,7 faiz, aylıq inflyasiyanın 0,2 faiz olacağını gözləyirdilər.

Əsas göstərici olan qida və enerji istisna olmaqla istehlak qiymətləri indeksi (baza inflyasiya göstəricisi) iyul ayında əvvəlki ilin eyni ayı ilə müqayisədə 5,9% artıb. Bu məlumat üçün proqnoz 6,1% idi.

Benzinin qiymətinin aşağı düşməsi amerikalılar üçün yaxşı xəbər olsa da, yaşayış xərclərinin yüksək olması amerikalıların kredit kartlarına yüklənməsinə və yığımlarının tükənməsinə səbəb olur. İnflyasiyanın yavaşlaması FED-in genişmiqyaslı faiz artırmasının aktuallığını da azaldır.

Fed inflyasiyaya son 40 ilin ən güclü sərt pul siyasətilə (kəskin faiz artırmaqla) cavab verib.

Fed, iyun ayından sonra iyul iclasında da faizini 75 faiz bəndi artırıb və iki ayda cəmi 150 bəndlik faiz artırıb. Bu, 1980-ci illərdən bəri ən güclü sərtləşmədir.

Son zamanlar monetar sərtləşdirməyə baxmayaraq, inflyasiyanın yüksək olması Ağ Evin də gündəmində idi.

ABŞ Senatı noyabrda keçiriləcək aralıq seçkilərdən əvvəl ABŞ prezidenti Co Bayden administrasiyasının təqdim etdiyi böyük iqtisadi paketi təsdiqləmişdi. Respublikaçıların hamısı iqlim, vergi və səhiyyə kimi müxtəlif sahələrin maliyyələşdirilməsini nəzərdə tutan İnflyasiyanın Azaldılması Aktı kimi tanınan qanun layihəsinin əleyhinə səs verib. ABŞ-ın vitse-prezidenti Kamala Harris bərabər bölünmüş Senatda həlledici səs verib.

10.08.2022 19:28