Azərbaycanda yol qəzaları və zərərçəkənlər artıb - YARIM İLDƏ 336 nəfər həlak olub

Azərbaycanda yol qəzaları və zərərçəkənlər artıb - YARIM İLDƏ 336 nəfər həlak olub

Azərbaycanda yol qəzaları və zərərçəkənlər artıb - YARIM İLDƏ 336 nəfər həlak olub

2022-ci ilin yanvar-iyun aylarında ölkədə 817 və ya 2021-ci ilin müvafiq dövrü ilə müqayisədə 8,1 faiz çox yol-nəqliyyat hadisəsi baş vermiş, bu hadisələr nəticəsində zərər çəkən şəxslərin sayı 12,2 faiz artaraq 1109 nəfər olmuşdur.

VTB-də minimal faiz dərəcəsi ilə nağd kredit 9.9%-dən

Dövlət Statistika Komitəsinin yaydığı məlumata görə, onlardan 336-sı həlak olmuş, 773-ü isə yaralanmışdır.

Hadisələrin 48,8 faizi gündüz, 37,1 faizi gecə, 14,1 faizi isə toran vaxtı baş vermiş, 29,6 faizi həftənin şənbə və bazar günlərinə təsadüf etmişdir.

Yol-nəqliyyat hadisələrinin 84,1 faizi yaşayış məntəqələrində baş vermiş, bu hadisələr nəticəsində həlak olanların sayı ötən ilin müvafiq dövrünə nisbətən 10,3 faiz artaraq 235 nəfər, yaralananların sayı isə 7,9 faiz artaraq 696 nəfər olmuşdur.

Yol-nəqliyyat hadisələrinin və zərərçəkənlərin sayı

Göstəricinin adı	2022-ci ilin yanvar-iyun aylarında	2021-ci ilin yanvar-iyun aylarına nisbətən, faizlə

Bütün yol-nəqliyyat hadisələri – cəmi	817	108,1
Məkanına görə:
magistral avtomobil yollarında	130	134,0
yaşayış məntəqələrində	687	104,2
İşıqlılıq vəziyyətinə görə:
gündüz vaxtı	399	121,3
toran vaxtı	115	82,7
gecə vaxtı	303	105,2
Yol örtüyünün vəziyyətinə görə:
quru yol örtüyü	761	109,0
digər (yaş, buz və s.)	56	96,6
Zərərçəkənlərin sayı, nəfər	1109	112,2
həlak olanlar	336	115,9
yaralananlar	773	110,7

Bütün yol-nəqliyyat hadisələrinin 40,8 faizi nəqliyyat vasitələrinin və piyadaların, 37,6 faizi bir neçə nəqliyyat vasitəsinin, 21,6 faizi bir nəqliyyat vasitəsinin iştirakı ilə baş vermişdir.

Yol-nəqliyyat hadisələri nəticəsində həlak olanların 79,2 faizini, yaralananların isə 71,0 faizini kişilər təşkil etmişdir.

Sərxoş vəziyyətdə olan şəxslərin iştirakı ilə 4 yol-nəqliyyat hadisəsi baş vermiş, nəticədə 1 nəfər həlak olmuş, 6 nəfər yaralanmışdır. Hadisələrin 3-ü minik avtomobillərinin sürücüləri tərəfindən törədilmişdir.

09.08.2022 12:09