EUR.

Ötən həftə Avropa Mərkəzi Bankının sürpriz faiz artımından sonra avro kəskin bahalaşsa da, daha sonra toparlanan dollar indeksi fonunda EUR/USD cütlüyü yenidən bir qədər ucuzlaşdı. Bu həftənin çərşənbə günü keçiriləcək toplantısı zamanı FED analoji addım atacağı təqdirdə, EUR/USD məzənnəsindəki eniş tendensiyası daha kəskin xaraktert ala bilər. Təhlillərə əsasən, hazırda 1.02$ hədlərində mübadilə olunan cütlük bu səviyyənin altına düşərsə, yenidən 1$ həddinə qədər ucuzlaşa bilər.

GBP.

Proqnozların üstündə açıqlanan biznes aktiviliy indeksi göstəriciləri fonunda ötən həftə stabilliyi ilə diqqət çəkən GBPUSD məzənnəsində də tendensiyanın necə davam edəcəyinə FED-in faiz qərarı ciddi təsir edə bilər. Əgər 1.19$ həddinin altına düşərsə, funt sterlinqin dollar qarşısında 1.17$ hədlərinə qədər ucuzlaşa biləcəyi proqnozlaşdırılır

Bu həftə həmçinin Avrozonada açıqlanacaq inflyasiya rəqəmləri və iqtisadi inkişaf səviyyəsi göstəriciləri, eləcə də Amerikada dərc olunacaq ÜDM-ə dair statistik rəqəmlər invetorların diqqət mərkəzində olacaqdır.

TRY. 

Ötən həftə son 2 ilin maksimumlarına yüksələn USD/TRY məzənnəsində “buğa”ların üstünlüyü davam edir. 17.75TL həddinin üzərində möhkəmlənərsə, qiymətin 18.00TL-yə qədər bahalaşması ehtimal olunur. 

OIL. 

Kovid-19-a artan yoluxma sayı səbəbilə yenidən sərt karantin qaydalarının tətbiq olunacağına dair narahatlıqların neft qiymətlərini təzyiq altında saxlaması ilə yanaşı, Avropada davam edən enerji böhranı fonunda yaşanan gərginliklər isə neft qiymətlərinə dəstək olur. Nəticədə ötən həftə ərzində 102$ və 108$ aralığında üfüqi dalğalanan “Brent” neftində qeyri-müəyyənliklər davam edir. OİLUK-in bir barel üzrə qiyməti 102$-ın altına düşərsə, yenidən 99$-a kimi ucuzlaşa bilər.

Çərşənbə günü saat 18:30-da dərc ediləcək ABŞ-ın neft ehtiyatları ilə bağlı göstəriciləri bu həftə də treyderlər tərəfindən böyük maraqla gözlənilir. 

GOLD. 

Qızıl ötən həftənin cümə axşamı son 2 ildə 3-cü dəfə 1680$ həddinə kimi ucuzlaşsa da, yenə də bu həddən dəstək alaraq bahalaşdı. Qiymətli metalın bir unsiya üzrə dəyərinin 1730$-ın üzərində möhkəmlənə bilsə, 1752$-a (56.33$/qram) kimi bahalaşa biləcəyi proqnozlaşdırılır.

Məlumat Azərbaycanın İnvestAZ İnvestisiya şirkətinin analitikləri tərəfindən hazırlanıb.