“Azərsun Holdinq” Türkiyə şirkətilə memorandum imzaladı

“Azərsun Holdinq” Türkiyə şirkətilə memorandum imzaladı

Azərbaycanlı mütəxəssislər aqrodronların idarə edilməsi ilə bağlı təlimlərə cəlb olunacaq

“Azərsun Holdinq” Türkiyə şirkətilə memorandum imzaladı

15-ci yubiley Azərbaycan Beynəlxalq Kənd Təsərrüfatı və 27-ci Azərbaycan Beynəlxalq Qida Sənayesi sərgisi çərçivəsində Aqrar İnnovasiya Mərkəzi, “Sapmaz” Havacılık və İleri Teknolojiler” şirkəti, “Azersun Holdinq” MMC arasında birgə əməkdaşlıqla bağlı memorandum imzalanıb.

İmzalanma mərasimində Azərbaycan Respublikasının kənd təsərrüfatı naziri İnam Kərimov, Türkiyə Respublikasının kənd təsərrüfatı və meşə naziri Vahit Kirişçi, AKP İstanbul millət vəkili Şamil Ayrım, “Azersun Holdinq”in Kənd təsərrüfatı məhsulları baş direktoru Məhəmməd Gözəl iştirak ediblər.

VTB-də minimal faiz dərəcəsi ilə nağd kredit 10.49%-dən

Memorandumu Aqrar İnnovasiya Mərkəzinin direktoru Əkbər Abbasov, “Sapmaz” Havacılık və İleri Teknolojiler” şirkətinin rəsmisi Sərdar Sapmaz və “Azersun Holdinq” MMC-nin Kənd təsərrüfatı məhsulları baş direktoru Məhəmməd Gözəl imzalayıb.

Memoranduma əsasən, Türkiyə Respublikasının Nəqliyyat və İnfrastruktur Nazirliyinin Mülki Aviasiya Baş İdarəsi tərəfindən verilən icazə çərçivəsində Azərbaycandan olan mütəxəssislərə pilotsuz uçuş aparatlarının idarə edilməsi ilə bağlı təlimlərin keçirilməsi nəzərdə tutulur.

Eyni zamanda, əldə edilən razılaşmaya əsasən kənd təsərrüfatı nəzarət vasitələrinin istehsal lisenziyasına malik olan Türkiyə şirkəti sifariş əsasında pilotsuz uçuş aparatları ilə təchiz edəcək.

Əldə edilən razılaşmaya əsasən, türkiyəli mütəxəssislər tərəfindən multispektral dronlar vasitəsilə sahədə avtopilot rejimində çəkilişlərin aparılması, torpağın münbitliyinin ölçülməsi, zərərvericilərin aşkar edilməsi, bitki örtüyü indeksinin müəyyənləşdirilməsi, həmçinin çiləyici dronlar vasitəsilə herbisid və pestisidlərin səpini, eləcə də digər istiqamətlər üzrə nəzəri və praktik təlimlər keçiriləcək

19.05.2022 10:20

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az