Gömrük Komitəsinin xətti ilə büdcə daxilolmaları 25%-dək artıb

Gömrük Komitəsinin xətti ilə büdcə daxilolmaları 25%-dək artıb

Gömrük Komitəsinin xətti ilə büdcə daxilolmaları 25%-dək artıb

Bu ilin yanvar-aprel ayları ərzində Dövlət Gömrük Komitəsinin (DGK) xətti ilə dövlət büdcəsinə 1 milyard 641 milyon 440,6 min manat daxil olub ki, bu da ötən ilin müvafiq dövrü ilə müqayisədə 24,9% çoxdur.

DGK-nın dərc etdiyi göstəricilər əsasında aparılan hesablamalarına görə, hesabat dövründə dövlət büdcəsinə daxil olan gömrük rüsumlarının həcmi ötən ilin analoji dövrü ilə müqayisədə 13,8% artaraq 410 milyon 281,8 min manat təşkil edib.

ƏDV üzrə daxilolmalar isə 32,1% artaraq 1 milyard 174miylon 523,6 min manata bərabər olub. Aksizlər üzrə cari ilin ilk dörd ayında daxilolmalar 22,1% azalaraq 39 858,1 min manat təşkil edib.

Yol vergisi üzrə daxilolmaların həcmi 16 milyon 776,8 min manat təşkil edib ki, bu da ötən ilin analoji dövründə qeydə alınan göstəricidən 20,8% çoxdur.

Bu ilin aprel ayında Komitənin xətti ilə dövlət büdcəsinə 409 milyon 499,5 min manat həcmində vergi və rüsumlar daxil olub ki, bu da 2021-ci ilin eyni ayı ilə müqayisədə 10,4% çox, bu ilin mart ayı ilə müqayisədə isə 0,4% azdır.

Bu ilin aprel ayı ərzində dövlət büdcəsinə daxil olan gömrük rüsumlarının həcmi ötən ilin analoji dövrü ilə müqayisədə 7,9% artaraq 107 745,2 min manat olub. Bu ilin mart ayı ilə müqayisədə isə bu göstərici 0,8% artıb.

Həmçinin, cari ilin aprel ayı ərzində ƏDV üzrə daxilolmalar ötən ilin eyni ayı ilə müqayisədə 13,7% artaraq 286 milyon 444,3 min manat (bu ilin mart ayı ilə müqayisədə 1% az), aksizlər üzrə 31% azalaraq 10 milyon 667,9 min manat (mart ilə müqayisədə 5,2% az), yol vergisi üzrə daxilolmalar isə 26,9% artaraq 4 milyon 642,0 min manat (mart ilə müqayisədə 23,8% çox) təşkil edib.

KREDİTİ ONLAYN əldə et – 20 000 AZN-dək, 0% komissiya

12.05.2022 18:16