Aktivlərindən ən yaxşı istifadə edən sığorta şirkətləri - SİYAHI

Aktivlərindən ən yaxşı istifadə edən sığorta şirkətləri - SİYAHI

Aktivlərindən ən yaxşı istifadə edən sığorta şirkətləri - SİYAHI

Azərbaycanda fəaliyyət göstərən 20 sığorta şirkəti ötən ili 60,5 milyon manat xalis mənfəətlə başa vurub ki, bu da onların bu il yanvarın 1-nə malik olduqları 1 milyard 216,5 milyon manat məbləğində aktivlərin 5%-i qədərdir.

Ayrı-ayrı sığorta şirkətlərində isə sözügedən nisbət fərqlidir. Belə ki, 2021-ci ildən mənfəətlə çıxmış 16 sığorta şirkəti arasında aktivlərindən ən yaxşı istifadə edəni "Qala Sığorta" ASC olub. Bu şirkətin əldə etdiyi mənfəət aktivlərinin 17,7%-ni təşkil edib. Baxmayaraq ki, "Qala Sığorta" aktivlərinin məbləğinə görə ölkədə 5-cidir.

Fəaliyyət effektivliyinə görə, 2-ci yeri isə “Aqrar Sığorta Müştərək Sığorta Şirkəti” ASC tutub. Bu şirkət ötən il aktivlərinin 17,4%-i qədər mənfəət əldə edib. Bu arada, "Aqrar Sığorta" aktivlərinin məbləğinə görə, 20 sığorta şirkəti arasında 20-ci yerdə qərarlaşıb.

3-cü yerə isə “Qala Həyat Sığorta" ASC sahib çıxıb. Bu şirkətin illik mənfəəti aktivlərinin 10,4%-i qədər olub. Halbuki, "Qala Həyat Sığorta" aktivlərinin məbləğinə görə, sığorta şirkətləri arasında 8-cidir.

Mənfəətlə işləyən qalan 13 sığorta şirkətindən isə 1-də sözügedən göstərici 10,3%, 11 şirkətdə 1-10% arasında, 1 şirkətdə isə 0-1% arasında dəyişir.

№	Sığorta şirkətinin adı	Şirkətin illik mənfəətinin / zərərinin aktivlərinə nisbəti
1	Qala Sığorta	17,7%
2	Aqrar Sığorta	17,4%
3	Qala Həyat Sığorta	10,4%
4	PAŞA Sığorta	10,3%
5	Azərbaycan Sənaye Sığorta	9,6%
6	Atəşgah Həyat Sığorta	9,5%
7	Naxçıvan Sığorta	9,4%
8	Meqa Sığorta	8,4%
9	Xalq Sığorta	6,3%
10	Xalq Həyat Sığorta	5,8%
11	PAŞA Həyat Sığorta	4,5%
12	İpək Yolu Sığorta	4,1%
13	A-Qrup Sığorta	4,0%
14	Azsığorta	2,0%
15	Meqa Həyat Sığorta	1,5%
16	Atəşgah Sığorta	0,8%
17	Günay Sığorta	-6,9%
18	Atasığorta	-13,0%
19	Bakı Sığorta	-14,2%
20	Azərsığorta	-29,1%

11.05.2022 17:53

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az